Li Otela Highcrest ya li Silêmaniyê dibin çavdêriya Wezîrê Rewşenbîrî û Lawan yê hikûmeta demborî ya Herêma Kurdistanê Hemey Heme Seîd de 2’emîn Konferansa Zanistî ya Navdewletî ya Jenosîda Kurd bi tevlîbûna bi dehan kesayetan hate lidarxistin. Di roja duyemîn a konferansê de li ser wêje û medyayê di jenosîda Kurdan de bi zimanên Kurdî û Erebî panel hatin lidarxistin. Konferans bi dayîna xelatan bi dawî bû.
Di penalek a konferansê de, li ser rola medyayê bi hemû şêweyên wê di mijarên neteweyî de, bi taybetî jî di mijara qirkirinê de, nîqaş hat kirin. Di panelê de hate diyarkirin erkê medyayê ye ku qirkirina li dijî gelê Kurd ji raya giştî û cîhanê re bide nasîn, ji ber ku ev yek dê lihevkirin û helwestekê yekdengî bafirîne.
Di panelê de bal kişandin bi ser qirkirinên li dijî gelê Kurd yên di dîrokê de ku li her çar parçeyên Kurdistanê pêk hatine ku di nav wan de qirkirina Enfal, Helebçe, Geliyê Zîlan û Dersimê hene. Ev komkujî ji aliyê dewletên dagirker yên Tirk û rejîma Bees a Iraqê ve li dijî gelê Kurd hatine kirin.
Di dawiyê de, Xelatên Zêrîn ji çar kesayetiyên ku di warên cûda de, bi taybetî di warê qirkirin û çanda Kurdî de xizmet kirine re hatin dayîn. Xelat dan nivîskar û akademîsyen Dr. Mehmûd Zayîd, jina Êzidî ya rizgarbûyiya ji çeteyên DAÎŞ’ê Îman Ebdullah, hunermend Serbest Ehmed û wênekêş Ekbe Muhsîn.
Di dawiya koferansê de Wezîrê Çandê yê Herêma Kurdistanê axivî û û spasiya xwe ji tevayî beşdarên konferansê re kir.
