Di raporê de hate ragihandin ku koça navxweyî ya ji ber şer yekemcar koça ji ber afetên xwezayî derbas kir. Di nava salê de ji 65,8 milyon koça navxweyî ya nû 32,3 milyon ji ber şer rû da. Ev hejmar li gorî sala 2024’an zêdebûneke di asta ji sedî 60’î de ye.
Hate ragihandin ku ji ber bahoz, lehî û afetên din jî 29,9 milyon mirov neçar man cih û warê xwe biguherînin.
ÎRAN Û KONGO DI RÊZA DESTPÊKÊ DE NE
Li gorî raporê, Îran û Komara Kongo ya Demokratîk ji aliyê koça navxweyî ya ji ber şer ve du ji sê paran pêk tîne. Li her yek ji van herdu welatan 10 milyon mirov ji cih û warê xwe bûn.
Di dawiya sala 2025’an de beşek mezin a ji 68,6 milyon mirovên ji ber şer di nava welatê xwe de ji warê xwe bûn, tenê li çend welatan bûn.
Sûdan sê caran li ser hev bû welatê sereke ku herî zêde koça navxweyî lê rû da. Kolombiya, Sûriye, Yemen û Efganistan piştî Sûdanê hatin.
HILWEŞÎNEKE GLOBAL HEYE
Dîrektroê NRC’ê Jan Egeland ev rewş weke “Hilweşîneke global a di mijara parastina sivîlan û pêşîgirtina li şer” pênase kir.
Dîrektora IDMC’ê Tracy Lucas jî diyar klir ku koça ji ber şer gihîştiye asta “alarmê”.
KRÎZA AVHEWAYÊ DIBE SEDEMA RÛDANA PÊLÊN NÛ YÊN KOÇBERIYÊ
Di raporê de hate ragihandin ku bandor krîza avhewayê jî zêde bûye. Hate goti, sala 2025’an tenê ji ber şewata daristanan nêzî 700 hezar kes ji warê xwe bûn.
Raporê diyar kir ku kêmkirina fonên alîkariya mirovî ya global dibe sedem ku rewş girantir bibe.
