COLEMÊRG: ŞaxaÎHD’ê ya Colemêrgê û xizmên windayan di hefteya 168’an a çalakiya xwe de, li Kolana Hunerê ya li navçeya Geverê hatin ba hev. Rêveberên DEM Partiyê jî tevlî çalakiyê bûn. Di çalakiyê de pankarta “Bila winda bên dîtin” û wêneyên windayan hatin hildan. Hat xwestin ku kujerên Bîşeng Anik bên darizandin ku sala 1992’yan li Şirnexê piştî hat binçavkirin, hate qetilkirin.
AMED: Şaxa ÎHD’ê ya Amedê û xizmên windayan di hefteya 842’yan a çalakiya xwe de li ber Bîrdariya Mafê Jiyanê ya li Parka Koşuyolu daxuyanî dan. Di çalakiya vê hefteyê de çîroka Atîlla Osmanoglû hate xwendin ku 25’ê Adara 1996’an piştî hat revandin, êdî agahî jê nehate wergirtin.
ÊLIH: EndamênÎHD’ê û xizmên windayandi hefteya 678’an a çalakiya xwe de li ber Bîrdariya Mafên Mirovan a li Cadeya Gulistan, kom bûn. Di çalakiyê de pankarta “Bila winda bên dîtin, faîl bên darizandin” hate vekirin û ji xeynî parêzvanên mafên mirovan, nûnerên rêxistina civaka sivîl jî beşdarî çalakiyê bûn. Vê hefteyê aqûbeta Zeynel Kursep hate pirsîn ku piştî 24’ê Adara 1994’an li Êlihê hate revandin, êdî agahî jê nehate wergirtin.
