Bi boneya 10’ê Kanûnê Roja Mafê Mirovan a Cîhanê, Însiyatîfa Azadiya Rêber Abdullah Ocalan a Sûriyeyê û Însiyatîfa Parêzerên Sûriyeyê ya Parastina Rêber Abdullah Ocalan, ji bo rewşa sîstema êşkence û qirkirinê ya li Îmraliyê û ferzkirina “cezayên disîplînê” yên li dijî Rêber Abdullah Ocalan nameyek bi zimanên kurdî, erebî û îngilîzî ji sekreterê giştî yê Neteweyên Yekbûyî (NY) Antonio Guterres re şand.
Name bi rêya şandeyeke ku ji endama Rêveberiya Însiyatîfa Azadiya Rêber Abdullah Ocalan a Sûriyeyê Nûha Umer, endamê Însiyatîfa Azadiya Rêber Abdullah Ocalana a Sûriyeyê Silêman Ehmed, Endama Însiyatîfa Parêzerên Sûriyeyê ya Parastina Rêber Abdullah Ocalan Aynûr Paşa û hevserokê Însiyatîfa Parêzerên Sûriyeyê ya Parastina Rêber Abdullah Ocalan Mihemed Emîn Niêmî pêk tê, radestî Komîseriya Bilind a Kar û Barên Penaberan a NY`yê ya li bajarê Qamişloyê hat kirin.
Di nameyê de bang li Guterres hate kirin ku ji bo azadiya fîzîkî ya Rêber Apo demildest bikeve nava liv û tevgerê.
Di nameyê de hate destnîşankirin ku kampanyaya navneteweyî ya ku ji bo azadiya fîzîkî ya Rêber Apo di Kanûna 2023’yan de hatî destpêkirin, dewam dike.
