Rêxistina Mafên Miroivan a Efrîn-Sûriyeyê duh rapora binpêkirinên meha Nîsanê yên li Efrînê weşand.
Rêxistinê ragihand ku di Nîsanê de li Efrînê 8 kes ji aliyê komên girêdayî dewleta Tirk ve yên di Wezareta Parastinê ya hikumeta demkî ya Sûriyeyê de, hatin revandin.
Di raporê de hate diyarkirin ku bavek û kurekî wî li Cindirêsê di çemê Efrînê de xeniqîn, li gundewarên Efrînê jî ciwanek ji ber teqîna bermahiyên şer jiyana xwe ji dest da.
Li gorî heman rêxistinê, komên çekdar ên nenas bi ser malan de girtiye û talan kirine.
Rêxistinê her wiha destnîşan kir ku “Tevî ku nêzî hezar û 400 malbat vegeriyan Efrînê jî, lê kesên di malên wan de hatine bicihkirin ji malên wan dernakevin, beramberî derketina ji malên wan pere dixwazin.”
Rêxistinê îşaret pê kir ku performansa rêveberiya herêmê lawaz e û nikare li hemberî kesên ku biryaran binpê dikin tedbîran bigire.
