Zelenskiy dawiya hefteyê ji nûçegihanê BBC’yê re got: ‘’Ez di wê baweriyê de me ku Putin Şerê Cîhanê yê Sêyemîn ji mêj ve ye daye destpêkirin.’’
Zelenskiy ev yek jî anîn ziman: ‘’Pirsa esas ew e ku çi qasî ax bi dest xistiye û em dikarin çawa rê li ber wî bigirin.’’
Serokkomarê Ûkraynayê got: ‘’Rûsya dixwaze şêwejiyaneke din li ser cîhanê ferz bike û jiyana însanan veguherîne.’’
Zelenskiy piştre anî ziman ku Putin bes ne ji bo Ûkraynayê di heman demê de ji bi hemû cîhanê weke talûkeyekê ye û got: ‘’Di kurttirîn dem de sekinandina Putin û astengkirina ku hemû Ûkraynayê bi dest bixe ji bo hemû cîhanê weke serkeftinekê ye. Ji ber ku Putin li Ûkraynayê nasekine.’’
Li gorî Zelenskiy, tekane rêya pêşîlêgirtina Putîn ‘’zexta leşkerî û aborî ya dijwar e’’
Li gorî BBC’yê serokkomarê Ûkraynayê amade nîne ku bedêla Rûsya ji bo ‘’aşitiyê’’ dixwaze, bide.
Putin dixwaze ku Ûkrayna ji temamiya herêma Donbassê û herêmên di destê Ûkraynayê de jî di nav de biterikîne.
Her wiha Rûsya dixwaze nîvgirava ku di sala 2014’an de bi awayekî derqanûnî îlheq kiribû, îlheq bike.
Zelenskiy jî ev yek anîn ziman: ‘’Ez vê yekê bes weke terikandina xakan nabînim, di heman demê de ez vê yekê weke lawazkirina pozîsyoma me jî dibînim.
Ev tê wateya terikandina bi sed hezaran welatiyên me yên li wir. Ez di wê baweriyê e me ku ev ‘vekişîn’ wê civaka me dabeş bike.’’
Zelenskiy ê ku dibêje terikandina xakan wê bi têra Rûsyayê neke di dawiyê de ev yek anîn ziman: ‘’Ihtimal e ku wê heya demekê tetmîn bibe, ji ber ku hewcehiya wî bi bêhnvedanekê heye… Lê belê piştî bêhnvedanê hevkarên me yên Ewropayî dibêjin ku ev bêhnvedan wê sê yan jî pênc salan berdewam bike lê belê li gorî min wê kurttir be û wê piştre bi ku ve biçe? Em vê yekê nizanin lê belê teqez e ku dixwaze şerî bidomîne.’’
