Gelek çavkaniyên ji bajarê Helebê diyar kir ku komên çekdar li derdoa taxên Şêxmeqsûd û Eşrefiyê û li gelek têketinên bajarê Helebê bendên kontrolê yên gerok an jî demkî danîne.
Çavkaniyan diyar kir ku ew komên ên girêdayî çeteyên “Emşat” ên dewleta Tirk a dagirker in û hin çavkaniyên din jî got ew kom girêdayî qaşo “Ewlehiya Giştî” ya desthilata Şamê ne.
Hin bendên kontrolê yên li ser rêya Şêxmeqsûd-Stasyona Bexdadê û rêya ber bi otostrada Ewarêd hatin şopandin.
Çavkaniyan diyar kir ku komên li ser bendên kontrolê erebeyên bi nimreyên Efrîn an jî taxên Şêxmeqsûd û Eşrefiyê ne tên sekinandin û kesên tê de çi temenmezin an jî ciwan bin, tên revandin.
Hate diyarkirin ku heta niha nêzî 40 kesî hatine revandin û giştî jî Kurd in, lê li gorî agahiyan hejmara ji wê zêdetir e.
Hiqûqnas diyar dikin ku ev kiryar li gorî peymanên NYˋyê û peymanên navneteweyî binpêkirin e.
Wezareta Xezîneya Amerîkayê di 2023ˋyan de, der barê sûcên li dijî welatiyên li Efrîna dagirkirî hatine kirine de, ceza li serçeteyên “Emşat” û “Hemzat” birîbûn.
