Li gorî daxuyaniya rayedarên Kubayê, di keştiya hejmar FL7726SH a li ser Floridayê tomarkirî de 10 kesên çekdarî hebûne. Hate îdîakirin ku kesên berbehs ji bo têketineke bi armanca terorê nêzîkî giravê bûne.
Rayedaran dan zanîn ku di keştiyê de tivingên êrîşê, demançe, teqemeniyên bi destan hatine çêkirî (molotof), êlekên balîstîk, dûrbîn û ûnîformayên kamûflajê hatine bidestxistin.
Wezareta Karên Hundirîn a Kubayê diyar kir ku endamên vê komê Kubayî ne ku li DYE’yê dijîn û tê zanîn ku gelek ji wan sûcdarên bûyerên tundiyê ne. Hate destnîşankirin ku du kesên birîndar bûne, ji aliyê Kûbayê ve li seranserê welêt dihatin lêgerîn.
Her wiha wezaretê da zanîn ku Kûbayiyekî din ê ku ji DYE’yê hatiye şandin jî li Kûbayê hatiye girtin û bi ‘’hêsankirina hatina koma berbehs’’ tê sûcdarkirin. Hate îdîakirin ku kesê berbehs ev yek îtîraf kiriye.
Hate diyarkirin ku piştî şer û pevçûnan kesên birîndar hatine tedawîkirin û rayedaran dan zanîn ku lêpirsîn berdewam dike. Bûyera berbehs di dema berdewamkirina rageşiya di navbera Kûba û DYE’yê de qewimî.
