Navenda Çavdêriya Mafên Mirovan a Sûriyeyê (SOHR) ragihand ku çekdarên nenas 4 welatiyên sivîl ên gundê Eyn El Coze yê navçeya Eyn El Şerqiye ya gundewarê Laziqiyê, dema li nava zeviyên xwe dixebitîn, qetil kirin.
SOHR’ê diyar kir ku di nava qurbaniyan de zarokek jî hebû û ji rûberekî nêz ve gule yekser berdan wan, ev yek niyeta tesfiyekirinê nîşan dide.
Li gundê Belqese yê rojavayê Humsê jî komeke çekdar bi ser gund de girt û ciwanek qetil kir û piştre bav û birayê wî ber bi cihekî nediyar ve revandin.
Li gorî binpêkirinên ku SOHR’ê belge kirine, hejmara qurbaniyên kiryarên tesfiyekirin û reftarên tolhilanînê li Sûriyeyê, ji destpêka sala 2025’an ve 619 welatî, di nav de 591 mêr, 20 jin û 8 zarok hene.
Ev binpêkirin, ji bilî herêmên Bakur û Rojhilatê Sûriyeyê, li herêmên cuda yên Sûriyeyê zêde dibin, ev yek rewşa tevlîheviya ewlehî û parçebûna civakî li gel nebûna ti makanîzmeyên zelek ên hesabpirsînê, nîşan dide.
