Li bajarê Munihê çalakiya ‘Rojên Şemiyan ji darvekirinê re na’ ku her roja Şemiyê tê lidarxistin, vê hefteyê cara 8’emîn hate lidarxistin. Di çalakiyê de rewşa sê parêzvanên mafên mirovan hate protestokirin.
Parêzvanên mafên mirovan Werîşe Mûradî, Pexşan Ezîzî û Şerîfe Mûhammedî rûbirûyê gefa darvekirinê ne. Pexşan Ezîzî di 4’ê Tebaxa 2023’an de li Tehranê hatibû binçavkirin, di 11’ê Kanûna 2023’an de biryara girtina wê hatibû dayîn. Di 23’ê Tîrmeha 2024’an de jî ji aliyê Dadgeha Şoreşê ya Tehranê ve cezayê darvekirinê lê hat birîn. Ev biryar di 8’ê Çileya 2024’an de ji aliyê Konseya Daraza Bilind a Îranê ve hat erêkirin.
Di daxuyaniya çalakiyê de hate destnîşankirin ku jiyana Ezîzî û her du jinên din di bin gefekî cidî de ye. Her wiha bang li hemû beşên civakî, sazî û kesan hate kirin ku piştgirî bidin kampanyaya îmzayê.
Çalakvanan wiha gotin, “Em dixwazin biryara darvekirinê ya li ser Werîşe Muradî, Pexşan Ezîzî û Şerîfe Muhammedî were rakirin. Ji bo pêkanîna edaletê divê her kes dengê xwe bilind bike.”
