Di 15’ê Adarê de bi pêşengiya xwendekaran li dijî gendeliyê xwepêşandan hat lidarxistin û di navbera 100 û 300 hezar kes beşdarî vê çalakiyê bûn. Çalakiya ku di nava aramiyek de derbas dibû, piştre bi dengek nediyar re, di nava girseyê de tirs çêbû û çalakî nîvco mabû. Dîmenên li medya civakî hatin parvekirin nîşan didin ku xwepêşandêr ji nişka ve belav dibin û hat îdîakirin ku çalakvan bi “topa deng” hedef hatine girtin.
Polîs û hukûmeta Sirbîstanê îdiayên ku di çalakiyê de çekên sonîk hatine bikar anîn red kirin. Lê belê, wêneyên wesayîtek polîsan ku amûrek xerîb li ser bû, guman zêde kir.
Analîstê leşkerî Aleksander Radic, diyar kir ku ev amûr dişibe pergala akustîk LRAD 450 a Emerîkî.
Wezîrê Karên Hundir Ivica Dacic, li xwe mikur hat ku amûrên bi vî rengî yên polîsan hene, lê îdia kir ku li dijî çalakgiran nehatine bikar anîn.
Rayedaran, diyar kirin ku lêpirsîn derbarê mijarê de dane destpêkirin. Hat ragihandin pisporên Servîsa Ewlehiyê ya Federal a Rûsyayê (FSB) ji bo lêkolînê hatine welêt.
Li Sirbîstanê îdîaya ‘çeka sonîk’ hatî bikar anîn
Serokkomarê Sirbîstanê Aleksandar Vucîc, diyar kir ku pisporên Servîsa Ewlehiyê ya Federal a Rûsyayê, li ser îdîaya ku li Belgradê di çalakiya protestoyî de çekên sonîk hatine bikar anîn ji bo lêkolînê hatine welêt. Vucîc, ji bo van îdîayan got ‘Derew in’
Nirxandinek Bike
Nirxandinek Bike
Me Bişopîne!
Tu dikarî li ser gelek platforman rûpelên me bişopînî.
