Weke faîlê êrîşê, guman ji koçberên Efrîqaya Bakur hate kirin. Vê yekê komên rastgir ên tund xiste nava liv û tevgerê.
Roja Çarşema borî kesekî teqawid, rastî êrîşê hat û rûyê wî werimî. Tê texmînkirin ku êrîş bi kêfî hatiye kirin. Têkildarî bûyerê sê kes hatin binçavkirin. Hat zanîn ku ji vane 2 kes koçberên ji Torre Pacheco ne. Yek jî dema diçû Fransayê li herêma Baskê hate girtin.
Xwepêşandana piştgiriya ji bo aştiyê ya ji aliyê Serokê Şaredariyê ve hatî organîzekirin, ji aliyê komên rastgir ên tund ve hate sabotekirin. Komeke bi navê “Deport them now” (Demildest dersînor bikin), li dijî kesên ji Efrîqaya Bakur banga lîncê kirin. Piştre li bajar, bi taybetî li dijî koçberan êrîş û pevçûn destpê kirin. Bi taybetî dawiya hefteyê qasî du şevan, bûyerên cidî qewimîn.
Her çendî ku polîs hewl didin taxên koçberan biparêzin, li hin herêman nekarîn êrîşan asteng bikin. Dikaneke kebaban hate texrîbkirin. Li ser medyaya dîjîtal jî, peyamên ji bo şewitandina kargehên koçberan hatin belavkirin. Qenala Telegramê ya ku ev peyam belav dikirin, hate girtin.
Heya niha têkildarî bûyeran 11 kes hatin girtin; di nava van de lîderê komê jî heye. Bi giştî 80 kes hatin tespîtkirin, hat diyarkirin ku piranî berê ji ber sûcên tundiyê bi sabiqa ne û ji Torre Pacheco nînin.
