Emergency Lawyerê got: “Balafirên şer ên hêzên çekdarî yên Sûdanê li ser cihê bazara Torayê bi êrîşeke hewayî komkujiyeke mezin pêk anîn.”
Hate ragihandin ku di encama êrîşa li ser cihê bazara navçeya Tora ya li Darfura Bakur de bi sedan welatiyên sivîl hatine kuştin û bi dehan welatî jî birîndar bûne.
Li Sûdanê ji Nîsana 2023’yan ve ye şerê di navbera artêşa General Abdul Fettah el-Burhan û koma paramîlîter a Hêzên Piştevaniya Lezgîn a di bin fermandariya Mohamed Hamdane Daglo de dewam dike.
Di encama vî şerî de bi deh hezaran welatiyan jiyana xwe ji dest dan û zêdetirî 12 milyon welatî jî ji cih û warên xwe bûne.
Di vî şerî de herêma Darfurê, bombebaranên bi warîlan, êrîşên hêzên paramîlîter ên li ser kampên rewşa wan gelekî xirab û tundiya etnîkî ya zêde jî di nav de şahidiya xirabtirîn zilma şerî kir.
Hêzên Piştevaniya Lezgîn ên ku ji aliyê Dewletên Yekbûyî yên Emerîkayê ve weke ku li herêma Darfurê ‘’komkujî’’ pêk aniye tê sûcdarkirin, artêşa girêdayî General Abdul Fettah el-Burhan weke berpirsê ‘’komkujiya’’ roja Duşemê dibîne.
