Li gorî Rêxistina Koçê ya Navneteweyî (IOM), piştî hêzên paramîlîter bi ser kampa Zamzam a li bakurê Sûdanê de girtin derdora 400 hezar kes neçar man ku ji kampê derkevin. IOM’ê ragihand ku ji ber ewlehî nîne navbera 60 û 80 hezar malbat neçar mane ji kampê derkevin.
Pevçûnên di navbera artêş û Hêzên Desteka Lezgîn (HDG) de, ku ji Nîsana 2023’yan û vir ve berdewam dikin, rê li ber koçberiya 13 mîlyon mirovî vekir. Ji sedî 88’ê kesên ku ji cih û warên xwe bûne jin û zarok in, gelek jinan jî ragihandine ku rastî tundiya zayendî hatine.
Krîza li Sûdanê ji ber şerê desthilatdariyê ya di navbera artêşa di bin fermandariya General Abdelfettah al-Burhan û HDG’ê ya bi pêşengiya General Muhammed Hamdan Daglo de, her diçe girantir dibe.
