Germahiya global a meha Nîsanê li gorî serdema beriya pîşesaziyê bi 1.51 dereceyî hîn bilindtir hate pîvandin. Bi vî rengî di nava 22 mehên dawî de di 21 mehan de gemahî ewqasî zêde nebû bû.
Meha derbasbûyî li seranserê cîhanê germahiya hewayê bi rengekî nîvekî 14.96 pile bû.
Armanca Peymana Avhewayê ya Parîsê 1.5 derece ye, derbaskirina vî sînorî rewşeke mayinde nebe jî li gorî zanyaran ev meyl cihê fikaran e.
LI EWROPAYÊ GERMAHIYA DI ASTA REKORÊ DE
Li seranserê Ewropayê jî germahî bi nîvekî 9.38 pileyî hate pîvandin. Lewma Nîsana 2025’an di dîroka Ewropayê de bû şeşmîn Nîsana herî germ.
Li aliyê din germahiya okyanûsan jî zêde bû. Meha Nîsanê germahiya okyanûsan bi nîvekî 20.89 pileyî hate pîvandin û bû duyemîn Nîsana herî germ a di dîrokê de.
Nîsana herî germ a hate pîvandin Nîsana 2024’an bû. Sala 2024’an jî li tevahiya cîhanê bû sala herî germ a hate pîvandin û yekemcar tevahiya salê sînorê 1.5 pileyî derbas kiribû.
