Nûnertiya Meclîsa Sûriyeya Demokratîk (MSD) a li DYE’yê wê 16’ê Çileya 2026’an roja Înê saet di 11:00 de li nêzî Parka Lafayette ya li bakurê Qesra Spî, ji bo şermezarkirina êrişên li ser taxên Şêxmeqsûd û Eşrefiyê yên Helebê çalakiyeke şermezarkirinê lidar bixe.
Nûnertiyê li serm ijarê daxuyaniyek da û diyar kir ku li hemberî êrişan wê li hev kom bibin û bang li hikumeta DYE’yê û civaka navneteweyî bikin ku ji bo parastina Kurdan bikevin nava liv û tevgerê.
Nûnertiya MSD’ê got, “Em Sûriyeyeke yekbûyî dixwazin ku hurmetê nîşanî Kurd, Ereb, Suryan, Xiristiyan, Elewî, Durzî, Êzidî, Ermen, Tirkmen û hemû Sûriyeyiyan bide. Em Sûriyeyekê ji bo hemû Sûriyeyiyan dixwazin.”
Ji bo beşdarên çalakiyê jî ev bang hate kirin: “Pankart, al û afîşên ji bo piştgiriya bi Rojava bi xwe re bînin. Li gorî rewşa hewayê kincan li xwe bikin û avê bînin. Bi vê rêyê têkiliyê dînin: [email protected]“
