Komîserê Bilind ê Mafên Mirovan ê Neteweyên Yekbûyî (NY) Volker Turk, êrîşên li dijî sivîlên ku hewl didan alîkariya mirovî li Xezeyê bistînin, şermezar kir. Turk, diyar kir ku sivîl sê roj in li pey hev li nêzî navendên belavkirina alîkariyê hatine kuştin û got ku ev êrîş nayên qebûlkirin. Turk êrîşên li dijî sivîlan weke ‘sûcên şer’ pênase kir.
Di daxuyaniya li Cenevreyê de hate destnîşankirin ku Filistînî bi hilbijartina tirsnak a “mirina ji birçîbûnê” an “di dema wergirtina alîkariyê de werin kuştin” re rû bi rû ne. Hate diyarkirin ku divê ev êrîşan demildest û bêalî werin lêkolînkirin.
Li gorî daxuyaniyek ji aliyê Parastina Sivîl a Xezeyê ve, di encama bombebarana artêşa Îsraîlê ya li nêzî navendeke alîkariyê li Refahê, 27 kes hatin kuştin û bêhtirî 90 kes birîndar bûn.
