Navenda Ragihandinê ya Hêzên Sûriyeya Demokratîk (QSD) bi daxuyaniyeke nivîskî şehadeta 4 şervanan ragihand.
Daxuyaniya QSD’ê bi vî rengî ye:
“Em bi serfirazî û dilsozî nansnameyên 4 hevrêyên xwe radighînin ku di demên cuda yên têkoşîna me de şehîd bûne. Hevrêyên me bi fedakariyeke bêhempa heta kêliya dawîn a jiyana xwe têkoşîn û bûn fedaiyê gelê xwe li hember çete û dagirkeran.
ABDULLAH EFRÎN: Hevrêyê me yê qehreman Abdullah Efrîn (Basil Qasim) mînakek zindî ya welatparêziya rastîn bû, bi taybetî ji bo bajarê xwe Efrîn ku heta dawiyê ji bo wê şer kir. Helwesta wî ya fedakariyê ne tenê erkek bû, îfadeyek dilsoz a evîna wî ya kûr a li hemberî axa ku li ser mezin bûye. Bi dilsoziyek bêdawî xwe fedayê axa xwe kir. Dagirkeriya çeteyan, ti carî nepejirand. Heta kêliya dawîn li ser helwesta xwe ya nîştimanî ma. Bi dilê tijî baweriya bi welatê xwe, heta ku wî axa ku jê hez dikir bi xwîna xwe ya pak av da, wekî lehengek zindî û bêhempa ket dilê gelê xwe û şehîd bû.
Hevrêyê me Abdullah ji zû ve tevlî hêzên me bû. Vê dilsoziyê ew ber bi pêşketinek mezin di bidestxistina ezmûn û hevaltiya leşkerî de bir. Di her operasyonên ku ew beşdar bû de serketinek berbiçav bi dest xist.
Hevrêyê me Abdullah mîrateyek neteweyî ya bi heybet li pey xwe hiştiye ku dê di xebat û têkoşîna me de wekî çirayek bimîne. Fedakariya wî, ku ji dilekî ku heta dawiyê ji welatê xwe hez dikir derket, wê di bîra gelê me de wekî leheng û sembolek berxwedana serdemê ya li Efrîn bimîne.
MORDEM PÎRO: Hevrêyê me, Pîro Mordem (Nîmet Yildiz) ji malbateke welatparêz tê ku bi dehsalan bi girêdana xwe ya bi nirxên têkoşînê û welatparêziya rastîn tê nasîn. Di seranserê dîroka hêzên me yên şoreşger de, malbatê gelek şehîd dane ku bûne beşek girîng ji mîrateya wê ya bi rûmet. Ji vê mîrateya neteweyî ya kûr, hevrêyê me Mordem perensîb û ramanên xwe yên şoreşgerî wergirtiye, ku wî ji zarokatiyê ve bi xwe re hilgirtiye û ji malbat û civaka xwe fêrî hemû nirxên pîroz bûye.
Ev welatparêziya kûr ew ber bi tevlîbûna tevgerên şoreşger û hêzên me ve bir. Li wir wî nirxên ku ew li qadê bi beşdarbûna xwe di gelek operasyonên leşkerî de mezin bûye, temsîl kir. Bi wêrekî berbiçav û qehremaniyeke bêhempa şer û têkoşîn kir. Wekî fermandarek berpirsiyariyên girîng di rêvebirina hêzên xwe de girt ser xwe û her hewlek da ku wan ji êrîşên dijmin biparêze.
Hevrêyê me Mordem ne tenê fermandarekî leşkerî bû, di heman demê de kesayetekî rewşenbîrî û siyasî yê qedirbilind bû. Ji ber nêzîkatiyên xwe yên siyasî û rewşenbîrî di demên cuda de ht girtin. Asta wî ya pêşketî ya hişyariyê hişt ku ew beşdarî bilindkirina hişmendiya çandî û zêdekirina eleqeya siyasî di nav hevalên xwe de bibe, wî gelek nirx dida hevalên xwe û bi terzê xwe yê bi hurmet hezkirina xwe di nav wan de çand.
RÊNAS AMED: Hevrêyê me Rênas Amed (Murad Atiş) di nav nifşê yekem ê hêzên me de bû. Ji Ewropayê tevlî bûye. Ew ji malbateke şoreşger tê ku ji destpêka têkoşînê ve di nav xebatan de ye û di vê rêka rûmetê de şehîd dane.
Di salên xwe ên şoreşgerî di nav hêzên me de, hevalê me Rênas li gelek herêman erk girt, ezmûnên cihêreng bi dest xist û serkeftinên mezin kir para gelê xwe. Ew bi aqilmendî û sebra xwe dihat nasîn, qet di biryaran de lez nedikir. Berî ku bi bawerî û bi domdarî wan li qadê bicîh bîne, bi baldarî hemû alî û îhtimalan dinirxand û derbên bi bandor li dijmin dixist.
Hevrê Rênas ne tenê fermandarekî leşkerî bû, di heman demê de perwerdekarekî pir jêhatî bû ku di warên perwerdehiyê yên cûrbecûr de xwedî ezmûnek berfireh bû. Ew bi afirînerî û nûjeniya xwe di pêşxistina rêbaz û taktîkên nû yên şer de ji bo manevra, serdegirtin û hemû aliyên din ên operasyonên leşkerî de dihat nasîn.
Tevî ku di dema beşdarbûna xwe ya di şerên berê yên li Efrîn û deverên din de du caran birîndar bû jî, hevalê me Rênas israr kir ku têkoşîna xwe bidomîne û beşdarî hemleyên leşkerî bibe. Ew beşdarî hemleya Şehîd Rûbar Qamişlo û hem jî hemleya rizgarkirina Reqayê ji rêxistina terorîst a DAÎŞ’ê bû, wekî fermandarekî bi bandor û xwedî biryar bû beşek ji serketina li dijî terorê û hêmana parastina gelê Rojava bi hemû pêkhateyên xwe bi hêz kir.
RÛMET ÇÎLO: Hevrêyê me Rûmet Çîlo (Mihemed Bilal) di dema dagirkirina herêma Efrîn de li dijî dagirkeriya Tirk û çeteyên wê berxwedanek dîrokî da. Wî bi wêrekiyek berbiçav şer kir, ji eniyek ber bi eniyek din ve diçû, heta ku di şerekî li dijî dagirkerî û çeteyên wê li navçeya Şera ya rojhilatê Efrîn gihîşt şehadetê.
Hevrêyê me Rûmet dema ku dît ku erkê wî yê neteweyî wî dawet dike ku welatê xwe û gelê xwe biparêze, dudilî jiyan nekir ku tevlî hêzên me bibe. Bi tevlîbûna xwe, wî kesayetekî welatparêz û dilsoz ê bi doz û êşên gelê xwe re nîşan da, ev evîn û îrade di xebata xwe de nîşan da. Ew her wiha bi pabendbûna xwe bi rêgez û prensîbên rêxistinî yên hêzên me ve hate nasîn, mînakek disîplîn û têkoşer nîşan da.
Bîranîna hevalên me yên şehîd Abdullah, Pîro, Rênas û Rûmet û fedakariya wan, dê ji bo hêz û gelê me di rêwîtiya wan de wekî prensîbek serketinê bimîne. Şehadeta wan rêyeke ku em di bîranîna wan de gelê xwe û axa xwe biparêzin.
Em sersaxiyê ji xwe, malbatên çar şehîdan û hemû malbatên şehîdan re dixwazin. Em ji bîranîna wan hêzê digirin da ku rêya xwe ber bi welatekî ku ewlehî û aramiyê dihewîne bidomînin.”
NASNAMEYÊN ŞEHÎDAN
Nasnav: Abdullah Efrîn
Nav û Paşnav: Basil Qasim
Navê Dayikê: Emîne
Navê Bav: Ehmed
Cihê jidayikbûnê: Efrîn – Meydan Ekbes
Cih û Dîroka Şehadetê: Efrîn-gundê Cilbirê, 17 Adar 2018
***
Nasnav: Pîro Mordem
Nav û Paşnav: Nîmet Yildiz
Navê Dayikê: Edîbe
Navê Bav: Îsmet
Cihê jidayikbûnê: Amed
Cih û Dîroka Şehadetê: Dêrik (qezaya leşkerî), 22 Tîrmeh 2024
***
Nasnav: Rênas Amed
Nav û Paşnav: Murad Atiş
Navê Dayikê: Hulya
Navê Bav: Mihemed
Cihê ji dayikbûnê: Amed
Cih û Dîroka Şehadetê: Qamişlo (qezaya leşkerî) 12 Şibat 2024
***
Nasnav: Rûmet Çîlo
Nav û Paşnav: Mihemed Bilal
Navê Dayikê: Elmaz
Navê Bav: Ehmed
Cihê jidayikbûnê: Heleb
Cih û Dîroka Şehadetê: Efrîn- Şera, 28 Şibat 2018
