Di rojên dîrokî de derbas dibin. Ev ji bo gelên herêmê lê bi taybetî ji bo gelê Kurd him weke şahidiya ji vê demê re û him jî weke kirdeya demê derbasdare. Banga Rêber APO bi gotina herî xwerû herî karîger û herî rênîşaner dikare bê gotin bangeke dîrokî bû. Pênase û diyardeya dîrokî ji ber xwe ve nayê gotin. Pênase û diyardeya dîrokî di wateya xwendina herî nêzî heqîqeta civaknasiya dîrokî ya dema derbasbûyî, her wiha jihevderxistinakêliya heyî ya herî nêzî rastiyê û xeyala herî bedew a şayenê dahatuya mirovahiyê pênase dike. Pêkanînerê vê rastiyê ne karê kesên ji rêzê û pêşengên demê ne. Kesên pêkanînerê vî karî ew kesên ku xwedî hêza bîrmendî, hişmendî, rêbertî û rênîşaneyê ne. Karê ew kesên ku xwedî dîtina tevahî demê ne. Di heman demê de karê ew kesên ku her dem di nav xwe de û rêbertiya xwe de hevgirtîne. Xulasa karê ew kesên ku birastî jî xwedî eşqa ramanê ne. Rêber APO di 27ê mijdarê de vê yekê bi bangawaziya xwe ya ‘ Banga aştî û civaka demokratîk’ tacîdar kir. Hêz û pêkanîna bîrmendî û rêbertîkirinê careke din, di asta herî zelal, xwerû û cewherî raxiste ber çavan.
Beriya vê bangawaziya dîrokî, Rêber APO got; ‘Em bi serbikevin emê hemû biserkevin’ Ev diyardeya dagirtî di heman demê de taybetmendiyê kesê/a sosyalîzma rast a xwedî zanista ku civaknasiya dîrokî di xwe de avakiriye nîşan dide. Yê dijberî xwe bi xwe re diguherîne, guhertinê herî zêde li ser dijberê xwe ferz dike. Ev rastî piştî banga dîrokî ya Rêber Ocalan karîgerî û ferzkirina xwe ya diyalektîkî bi awayê herî rasteqîn destnîşan kir û wê bêtir bike jî.
Yên difikirin ruxmî tevahî şert û mercan, tevahî tecrîd û êrişan wê dîsa jî rê û rêbaz peyda bikin û bikaribin derbirîna heqîqetê nîşan bidin. Yên difikirin û yên li gor ramanên xwe bi awayê herî xwerû dijîn hêza avakariyê ya ku nikare bê teqlîdkirin ava dikin. Ev yek ne para her kesiye. Bi taybetî di vê sedsala ku ewqas êrişên mezin li ser civak û tak heye, asta hilweşandinê di destê aqlê serdest de gihiştiye asta xwe ya herî berz, dagirkeriya ruh û mêjî bi çar hêlî ve heta bi şaneyan pêk tê, rênîşandana civaka demokratîk, azadî, jiyan û jinê, parastina nirxên herî qedîm a mîrateya mirovahiyê ji XWÊBÛN’tiyeke bedew derbas dibe. Rêber APO vê pêk anî. Ramyariyeke rênîşaner pêşiya me zelal dike. Ev encama daneheveke temenekiye ku civak û dîrokê li xwe hewandiye. Ruxmî bandora temen a li ser laş ê ku zelaliyê di çavan de ava dike jî ev hewandine. Hêza destpêkirin, avakarî, berdewamî û herî dawî jî hêza bi dawîkirin û guherîn û veguherînê encama mêjiyê nerme ku bi her awayî rê ji azadiyê re dibîne. Rêber APO vê pêk anî.
Wê ev nermahiya Xwebûn a ku ji bo azadiyê rê û rêbaz peyda dike, wê şênberiya herî bedew diyarî mirovahiyê bike.
