Berdevkê Serokatiyê Nabîl Ebû Rûdeyna ji Ajansa Nûçeyan a Fîlîstînê Wafa re axivî û îdîa kir ku Îsraîlê li Şerîa Rojava ya di bin dagirkeriya Îsraîlê de ye, ‘paqijiya etnîkî’ hatiye kirin.
Îsraîl du hefte ne li bakurê Şerîa Rojava ya dagirkirî operasyonên leşkerî yên bi navê ‘Dîwarê Hesin’ dimeşîne.
Berdevk anî ziman ku ev hemû ji bo ‘koçberkirina bi zorê û bicihanîna planên paqijiya etnîkî’ hatine kirin û bang li rêveberiya DYE’yê kir ku bêyî dereng bikeve destwerdanê bike.
JI ÎRANÊ JÎ JI BO XEZEYÊ NERAZÎBÛNA BI HEMAN RENGÎ
Îranê jî ragihand ku pêşniyara Serokê DYE’yê Donald Trump a ji bo veguhestina şêniyên Şerîda Xezeyê li Misir û Urdunê, bi qasî ‘paqijiya etnîkî’ ye û şermezar kir.
Berdevkê dîplomatîk ê Îranê Îsmaîl Bahaî di civîna çapemeniyê de got, “Li şûna piştgiriya bi fikrên cuda yên tên wateya paqijiya etnîkî, bi dîtina min divê civaka navneteweyî piştgiriyê bide misogeriya mafê diyarkirina çarenûsa xwe ya Fîlîstîniyan.”
Dîplomatê Îranî got, ew bawer e ku aliyekî sêyemîn nikare biryarê li ser paşeroja Xezeyê bide.
