Li aliyekî stran, aliyê din tilîliyên dayîkan, domandina çanda dayîkê û parastina Bendavê… Li bendavê hevrêtiya ji dil û ruhê komînal heye. Li her qorziyekê hilemeke berxwedaniyê heye.
Li aliyekî berxwedan, li aliyekî şer, lê yê reng daye vê berxwedaniyî jî dayîk in.
Di nava şer de dayik bi feraseta şerê gelê şoreşgerî di qada ceng û berxwedanê xwarin, paqijî, nan û qatmeyên ser sêlê ku ji çanda kurdewarî ya kevnar e ji bo berxwedêrên Bendava Tişrînê û şervanên QSD û YPJ amade dikin.
Di jiyan normal de çêka destê dayîkan cuda ye, lê li qada berxwedanê de cudatire.
Dayîkên ku xwarin amade kirin ji ANF’ê re behsa hestên xwe yên li bendavê kirin.
Li aliyê dinê jî bi ruhê hevgirtinê berxwedêrên Bendava Tişrînê tevî şert û mercên zehmet ji bo parastina Bendavê hem nobetê digrin û him jî paqijiya bendavê dikin.
Omer Xelîl yek ji berxwedêrên li bendavê ku ken li ser dêvê wî ye û paqijiya bendavê dike. Ew behsa wê hêz û morala xwe ya ku bendava xwe diparêze û paqij dike dibêje, em li vir in û em ê bendavê weke çavên xwe biparêzin.
‘BI HEZKIRIN XWARINÊ AMADE DIKE’
Nobedara li ser bendavê ku xwarinê amade dike Şefa Ebdulqadir ku ew jî li Metbaxê ji nobedarên ku rojî girtine re xwarinê dike dibêje: “Me dest bi fitara xwe kiriye, em xwarinê ji nobedaran re amade dikin. Ez û sê dayîkên dinin. Piştî ku em fitara xwe bi dawî bikin, em dest bi amadekirina Siorê jî dikin. Em bi ruhekî germ û tîna dilekî gerim ji hevalên xwe re em xwarinê amade dikin.”
Di heman demê de jî bi ruhê komînal dayîk nanên tîrê jî amade dikin. Ew li ser bendava Tişrînê çanda xwe ya kevnar jî diparêze. Bi nanê tîrê, pêjandina hevîr xwarinan amade dikin. Ew bi ruhekî germ û ji dil wê yekê dikin û bi hezkirin nan li ser agir dibrêjin.
Omer Xelîl Ebereş ku nobedarê li ser bendava Tişrînê ye û paqijiya bendava xwe dike dibêje ku wê ew ê bendavê bi hemû rêbazan biparêzin û wiha anî ziman: “Em hatine Bendava xwe, em li vir in ku em bendava xwe biparêzin, em bendavê paqij jî dikin û em ji êrîşên ku rojane li ser me de dibin jî dibaprêzin, ji ber ku ji mafê me ye ku em bendava xwe biparêzin û xwedî lê derkevin.”
‘EM YEK ROJÊ JÎ BENDAVA XWE NAHÊLIN’
Omer anî ziman ku ev bendav layiqî her tiştiye ku em ji bo wê bikin û got: “Li ser vê bendava me bira, bav, xwîşk û birayên me li vir şehîd bûne, lewra mafê me ye ku em xwedî li bendava xwe derkevin. Em yek rojê jî bendava xwe nahêlin û em ê nehêlin. Heta ku êrîş jî li ser me bi dawî nebin, em li virin, ev bendava me ye û heta dawiyê jî em ê li vir bin.”
