Kompanya Çetir di merasîma 40 rojiya şehadeta rojnamevan Azîz Koyluoglû de bang li nûnerên rêxistinên navneteweyî yên li Kurdistan û Iraqê û Yekîtiya Rojnamevanên Bê Sînor kir ku li hember van sûcan bêdeng nemînin û got: “Gihandina rastiyê mafê civakê ye û mafê tu aliyek û dewletekê nîne ku bi tu hincetekê êrişên terorîstî û tinekirina rojnamevanan pêk bîne û wiha hate gotin: “
Di merasîma 40 rojiya şehadeta rojnamevan Azîz Koyluoglû ku bi tevlîbûna gelek rojnamevan û çalakvanan, li Silêmaniyê tê lidarxistin de, Rêveberê Kompanya Çetir Kemal Hemereza daxuyaniyek xwend.
Daxuyanî wihaye:
“Bi qetilkirina rojnamevanan nikarin dengê azadiyê qut bikin. Qetilkirina rojnamegeran sûcê mirovahiyê ye ku armanca wê bêdengkirina civakê ye. Weke ku tê zanîn çapemenî bûye hêza yekem ku karîna arastekirina civakê heye. Ji bo vê yekê jî desthilatdaran her tim hewl daye ku medyayê bigihîne armancên xwe û civakê ji maseyê dûr bixe û rastiyê veşêre. Ji bo vê jî ragihandinê sîbersazkiriye û pênûsan kirîye. Li cihê ku nekarî dengê rojnamegeriya azad bitepisîne, serî li teror û tirsandinê daye.
Di 27’ê Çileya îsal de dewleta Tirk a dagirker wesayîteke sivîlan li Çuwarqurna ya girêdayî Ranyayê bi balafirên keşfê li ber çavê cîhanê hedef girt û di encamê de gelek sivîl şehîd bûn. Di heman êrişê de rêhevalê me Azîz Koyluoglû bû hedef û şehîd bû. Rêheval Azîz endamekî çapemeniya azad bû ku demeke dirêj weke hevalê me li sê parçeyên Kurdistanê Bakur, Başûr û Rojava ji bo vegotina heqîqetê û gihandina heqîqetê li qadan bûyerên li civaka Kurd diqewimin dişopand.
Weke tê zanîn doza gelê Kurd piştî şerê Cîhanê yê Yekem û parçebûna Kurdistanê ya bi hevkariya peymana Sykes Pîcot di bin nave siyaseta dagirkirinê y hemû karê hate kirin ji bo Kurdistan weke dozeke siyasî lê binêre, bi rengê sûc lê hate nêrîn. Ev yekê wisa li dagirkeran kir ku hemû çalakî û rojnamevanên ji bo doza Kurd dest bi kar kirin, bên hedefkirin û bi destên tarî dûrî pîvanên mafê mirovan û yasaya rojnamevaniyê êrişî wan bikin.
23’yê Tebaxa 2024’an tîma Rojnamevanên Kampanya Çetir li ser rêya Seyîdsadiq-Helebce hate hedefkirin û 2 hevrêyên me şehîd bûn û gelek karmendên din jî birîndar bûn.
Êrîşên dewleta Tirk a dijî rojnamevanan tê wateya veşartina sûcên şer ên dewleta Tirk a li ser gelê Kurd. Dîsa 19’ê Kanûna 2024’an li Bendava Tişrîn ku niha bûye sembola berxwedana gelê Kurd li dijî dagirkeriyê û çeteyên ser bi dewleta Tirkiye hevrêyên me yên bi navê Nazim Deştan û Cîhan Bîlgîn hatin hedefkirin û şehîd bûn.
Em wek Kompanya Çetira van êrişên li ser çapemeniya azad şermezar dikin û bang li nûnerên rêxistinên navneteweyî yên li Kurdistan û Iraqê û Yekîtiya Rojnamevanên Bê Sînor dikin ku li hember van sûcan bêdeng nemînin. Her wiha em bi bîr tînin ku gihandina rastiyê mafê civakê ye û mafê tu aliyek û dewletekê nîne ku bi tu hincetekê êrişên terorîstî û tinekirina rojnamevanan pêk bîne.
Di dawiyê de em soza xwe ya ji bo rêhevalên xwe yên şehîd dubare dikin ku emê heta dawiyê xebatên xwe yên ragihandinê li ser rêya gihandina heqîqetê bidomînin û bi pênûsek tûjtir û kamerayeke bê tirstir xebat û têkoşîna xwe bidomînin.”
