Wezareta Parastinê ya Rûsyayê ragihand ku serdan dawiya hefteyê pêk hat. Gerasimov got, “Di meha Sibatê de di nava 2 hefteyan de hêzên yekgirtî tevî şert û mercên giran ên zivistanê jî 12 cihên niştecihiyê rizgar kirin.” Lê belê ev îdîa ji aliyê çavkaniyên serbixwe ve nehat piştrastkirin.
Ev serdan çend roj beriya hevdîtinên aştiyê ya ku tê plankirin li Cenevreyê navbera Moskow, Kîev û Washingtonê were kirin û di dema nêzbûna salvegera 4’an a dagirkeriya Rûsyayê de, pêk hat.
Rûsya her çendî ku ji payîzê û vir ve, li eniyê leza xwe ya pêşdeçûnê zêde kiribe jî di vê şerê 4 salan de armanca xwe ya bi temamî bidest xistina herêma Donetsk, pêk neaniye. Moskow ji bo peymaneke muhtemel, şertê ku Kîev ji Donetsk’ê vekişe datîne; Ûkrayna jî vê daxwazê bi rengekî teqez red dike.
Gerasimov got, yekîneyên Rûs ber bi aliyê navenda sanayiyê Sloviansk’ê ve pêş de çûne. Bajar sala 2014’an ji bo demek kurt ketibû bin kontrola alîgirên Rûsyayê. Tê diyarkirin ku hêzên Rûs 15 kîlometre ji bajar dûr in.
HERÊMÊN SÎNOR
Moskow îlan kiribû ku herêmên Donetsk, Luhansk, Zaporijya û Herson îlhaq kirine. Lê belê yekîneyên Rûs ji vê wêdetir jî pêşketinê bi dest dixin. Gerasimov ragihand ku li beşên sînorê herêmên Sumy û Harkiv “herêma ewlehiyê” hatiye berfirehkirin.
Her wiha fermandarê Rûs diyar kir ku di aliyê Dnipropetrovsk’ê de “gavên ku dê werin” dê were nirxandin. Hêzên Rûs havîna borî dema ber bi rojava ve pêş de diçûn ketin vê herêmê, lê Kremlin li ser Dnipropetrovsk îdîaya mafekî fermî nekiribû.
Vladimir Pûtîn berê diyar kiribû ku eger dîplomasî encam nede, wê bi temamiya herêma Donetsk bi karanîna hêzê were bidestxistin.
