Endamê Komandosê Ehmed Kenco (Kobanê) di 26’ê Adarê de li Kobanê dema li ser erka xwe bû şehîd bû. Îro şêniyên herêma Firatê bi merasîmeke girseyî cenazeyê şehîd Kobanê li Goristana Şehîd Dicle veşartin.
Di merasîma ku piştî deqeyek rêzgirtinê destpê kir de Rêveberiya Meclîsa Jin a Partiya Yekîtiya Demokratîk (PYD) Bedîa Miho, axivî.
Bedîa Miho, diyar kir ku di encama berdêlên ku ji aliyê şehîdên şoreşê ve hatine dayîn ew gihiştine vê astê û got, “Şehîd Kobanê ji bo misogeriya jiyaneke azad canê xwe feda dike. Ji ber vê yekê Rêber Apo dibêje `Her Şehîdek felsefeyeke jiyanê ye.` Em jî bi saya şehîdên xwe li virin. Em soz didkin ku em ê Sûriyeyeke nû, demokratîk û aştiyane misoger bikin.”
Endamê Rêveberiya Meclîsa Leşkerî a Kobanê Mihemed Oso, jî axivî û anî ziman ku meha Adarê bi berxwedana gelek şehîdan mohra xwe li dîroka têkoşînê daye.
Mihemed Oso got, “Em sersaxiyê ji malbatên şehîdan re dixwazin. Em soza şopandina rêya şehîdên xwe dubare dikin.”
Piştre jî wesîqa şehîd hate xwendin û radestî malbatê hat kirin.
Şehîd Kobanê bi dirûşmeya ‘Şehîd Namirin’ hat veşartin.
