Navenda Ragihandin û Çapemeniyê ya HPG’ê di 15’ê Kanûnê de ragihand ku gerîlayê wan Sifok Muhsin bi nasnav Mirad Qendîl yê ji gundê Faw yê herêma ereba ya Şegnalê di 28’ê Tebaxa 2018’an de li herêma Garê gihiştiye asta şehadetê.
Îro li ber mala şehîd a li gundê faw ku dikeve ser sînorê rojava û Şengalê di roja sêyemîn de ku konê sesaxiyê hatibêû vedan, Şehîd Mirad bi merasîmekê hate bibîranîn û konê sersaxiyê hate rakirin.
Merasîm bi deqeyeke rêzgirtinê ji bo bîranîna şehîdên azadiyê destpê kir. Piştî rêzgirtinê, malbata şehîd mûmên bîranînê pêxistin. Di merasîmê de nûnerên saziyên sivîl, leşkerî û gelê herêmê amade bûn.
Di bîranînê de li ser navê gelek saziyan axaftin hatin kirin û bal hat kişandin ser yekitiya gelên herêmê. Ebû Seger li ser navê Meclisa Gel a Herêma Ereban axivî. Kerîme li ser navê Meclisa Jin a Herêma Ereban peyamên xwe pêşkêş kirin. Her wiha li ser navê Fermandariya YBŞ’ê û Saziya Malbatên Şehîdan jî axaftin hatin kirin.
Di axaftinan de sersaxî ji civaka Ereb û tevahiya gelên herêmê re hat xwestin û hat destnîşankirin ku xwîna şehîdan dibe bingeha jiyana hevbeş û azad.
Di berdewamiya merasîmê de, nameya ku ji aliyê Fermandariya HPG’ê ve ji bo malbatê hatibû şandin hat xwendin. Piştre wesîqeya şehadetê ya Şehîd Mirad Qendîl radestî birayê wî, Mahir Teyawî hat kirin.
Mahir Teyawî li ser jiyan û tevlîbûna birayê xwe ya nav refên gerîlayên azadiyê axivî û got: “Çiqasî em bi şehadeta birayê xwe biêşin jî, em ewqasî serbilindin ku di nava vê şoreşê de xwedî şehîdin. Birayê min ji bo azadiya hemû gelên bindest têkoşîn kir û heta dawiyê li ser xeta hevalên xwe meşiya. Em wek malbat soz didin ku emê li keda wan xwedî derkevin.”
Piştî axaftinan, sînevîzyonek li ser jiyan û têkoşîna Şehîd Mirad hat nîşandan. Merasîm bi dirûşmeyên “Şehîd Namirin”û bi rakirina konê sersaxiyê bi dawî bû.
