Êrîşên dewleta Tirk a dagirker û çeteyên wê yên li ser Bakur û Rojhilatê Sûriyeyê dewam dikin. Di van êrîşan de hem sivîl têne qetilkirin, hem jî zerar li binesaziyê dibe. Li gorî daneyên Saziya Çavdêriya Mafên Mirovan a Sûriyeyê, di encama bersiva şervanên QSD û YPJ’ê de di nava mehekê de 300 çete hatin kuştin, di encama êrîşên dewleta Tirk de 52 sivîlan jiyana xwe ji dest dan. Di şer de 40 şervanên YPJ û QSD’ê şehîd bûn.
Li gorî daneyên SOHR’ê;
1’ê Çileyê li nêzî Pira Qereqozaxê ya li rojhilatê Minbicê di encama êrîşa bi balafirên şer a dewleta Tirk de 3 şervanên QSD’ê şehîd bûn.
2’ê Çileyê ji hêzên Meclîsa Leşkerî ya Minbicê şervanek di şerê giran ê li derdora gundên El Etşaneh û El Mustaha yên li başûrê Minbicê şehîd bû. Di şer de her wiha 23 çete hatin kuştin.
3’ê Çileyê li herêma Et Atçana û El Mustahayê di şer de 11 şervanên Meclîsa Leşkerî ya Minbicê şehîd bûn, 27 çete hatin kuştin.
4’ê Çileyê li derdora Pira Qereqozaxê û Bendava Tişrînê 20 çete hatin kuştin.
5’ê Çileyê balafirên şer ên Tirk bombe li Bendava Tişrînê û Pira Qereqozaxê barandin. 4 şervanên QSD’ê şehîd bûn. Li heman herêmê 15 çete hatin kuştin.
6’ê Çileyê di bombardûmana balafirên şer ên dewleta Tirk de li Bendava Tişrînê û nêzî Pira Qereqozaxê şervanekî QSD’ê şehîd bû, di şer de 4 çete hatin kuştin.
7’ê Çileyê di êrîşa bi droneyan a QSD’ê de 2 çete hatin kuştin.
8’ê Çileyê ji ber bombardûmana dewleta Tirk li Sirînê karkerek hateq qetilkirin. Heman rojê il Dêr Haferê 3 çete hatin kuştin. Her wiha li Tişrînê di bombardûmana dewleta Tirk a li ser wesayiteke sivîl û ambûlansê de jinek jî di nav de 5 kesan jiyana xwe ji dest dan.
9’ê Çileyê di şerê li derdora Bendava Tişrînê de 6 şervanên QSD’ê şehîd bûn, 27 çete hatin kuştin. Her wiha ji koma çete ya El Mecidê 2 çete di êrîşa bi droneyê ya QSD’ê de hatin kuştin.
10’ê Çileyê li Bendava Tişrînê di şer de 7 çete hatin kuştin, 2 şervanên QSD’ê şehîd bûn. Di êrîşên hewayî yên dewleta Tirk de sivîlek hate qetilkirin. Sivîlek li wesayita tenduristiyê ya di konvoyê de bû heddef û birîndar bû.
11’ê Çileyê li rojhilatê Minbicê 4 çete hatin kuştin. Li Tişrînê di şer de çeteyek hate kuştin. Di êrîşa hewayî ya dewleta Tirk a dagirker de bavek li gel keça xwe hate qetilkirin. Di heman demê de malek li gundê Mesrib ê Sirînê bû hedefa êrîşê.
12’ê Çileyê li derdora Bendava Tişrînê 7 çete hatin kuştin.
13’ê Çileyê 20 çeteyên SMO’yê hatin kuştin.
14’ê Çileyê di êrîşên dewleta Tirk û çeteyên wê yên SMO’yê de şervanekî QSD’ê şehîd bû. 6 çete hatin kuştin. Li Bendava Tişrînê di şer de 7 çete hatin kuştin. di êrîşên hewayî de 2 şervanên QSD’ê şehîd bûn.
15’ê Çileyê dewleta Tirk ji hewayê êrîş bir ser ambûlansekê, 4 sivîl hatin qetilkirin. Heman rojê 7 çete hatin kuştin. 5 şervanên QSD’ê şehîd bûn.
16’ê Çileyê di êrîşên hewayî yên dewleta Tirk de yek jê jin 5 sivîl hatin qetilkirin.
17’ê Çileyê li derdora Bendava Tişrînê di şer de 8 çeteyên dewleta Tirk hatin kuştin. Di êrîşên hewayî de 2 sivîl birîndar bûn.
18’ê Çileyê di bombardûmana dewleta Tirk de 3 sivîl hatin qetilkirin. Li Bendava Tişrînê di şer de şervanekî QSD’ê şehîd bû. 8 çete jî hatin kuştin.
19’ê Çileyê li derdora Bendava Tişrînê di bombardûmana dewleta Tirk a dagirker de 3 sivîl hatin qtilkirin. Di şer de 8 çete hatin kuştin. Şervanekî QSD’ê şehîd bû.
20’ê Çileyê di şer de 12 çete hatin kuştin, êrîş li wesayiteke zirxî ya koma çete hate kirin.
21’ê Çileyê di êrîşên hewayî yên dewleta Tirk ên li derdora Bendava Tişrînê de 2 sivîl şehîd bûn. 5 çete hatin kuştin.
22’ê Çileyê li derdora Bendava Tişrînê jineke ciwan di êrîşên dewleta Tirk de şehîd bû. Heman rojê 4 çete hatin kuştin. Her wiha li Bendava Tişrînê dewleta Tirk bombe li girseya gel baran. Di êrîşên bi SÎHA de 2 kes şehîd bûn.
23’ê Çileyê li Ebû Qelqal, Til Arîş, Qela Necm û derdora Bendava Tişrînê di şer de 6 çete hatin kuştin.
24’ê Çileyê di şerê navbera hêzên QSD-YPJ û çeteyên SMO’yê de 9 çete hatin kuştin.
25’ê Çileyê baregehên dewleta Tirk ên li rojhilatê Minbicê ji aliyê hêzên QSD’ê ve hatin bombekirin. Di şer de 6 çete hatin kuştin. Li Bendava Tişrînê di êrîşên hewayî yên dewleta Tirk de 2 mirovên sivîl hatin qetilkirin.
26’ê Çileyê 10 çete ji aliyê hêzên QSD’ê ve hatin kuştin. Di şer de şervanekî QSD’ê şehîd bû.
27’ê Çileyê li nêzî Minbicê di şer de 10 çete, li Bendava Tişrînê di şer de çeteyek hatin kuştin. Lİ Dêr Haferê di bombardûmanê de şervanekî QSD’ê şehîd bû.
28’ê Çileyê di êrîşa hewayî ya li ser Sirînê de 4 jê zarok, 13 mirovên sivîl bi rengekî hovane hatin qetilkirin.
29’ê Çileyê li navenda bajarê Kobanê malek bû hedefa êrîşa bi drone ya dewleta Tirk, yek jê jin 4 sivîl hatin qetilkirin. Heman rojê li Bendava Tişrînê û Pira Qereqozaxê di şer de 10 çete ji aliyê şervanên QSD’ê ve hatin kuştin.
31’ê Çileyê şer şerê navbera çeteyên SMO yên dewleta Tirk û hêzên QSD’ê de 5 çete hatin kuştin, 8 çete jî birîndar bûn. Heman rojê şervanekî QSD’ê şehîd bû, 3 şervan birîndar bûn. Ji ber bombardûmana dewleta Tirk li gundê Til Hafirê sivîlek hate qetilkirin. Di şerê li gundê Til Hafirê de 8 çeteyên SMO’yê hatin kuştin.
