Rêveberiya Giştî ya Dije-Terorê derbarê girtina çeteyek DAÎŞ’ê ya li sînorê parêzgeha Silêmaniyê daxuyaniyeke weşand.
Di daxuyaniyê de hate gotin, “Piştî şopandin û komkirina agahiyan, hêzên me li Silêmaniyê terorîstekî girtin ku endamê koma terorîst a DAÎŞ’ê bû. Çeteyê girtî di nav pêkhateya bi navê ‘Firqa 210’ a wê rêxistina terorîst de çalakî dimeşandin.”
Her wiha hate destnîşankirin ku malbata vî çeteyî xwedî dîrokeke tund di nav refên DAÎŞ’ê de ye; bavê wî li “Wîlayeta Bakurê Bexdayê” fermandarê yekîneyeke leşkerî bû û paşê wekî “Waliyê Felûceyê” hatibû erkdarkirin, ku ew walî paşê li devera Ebû Xerîb di encama êrişeke hewayî de hatibû kuştin.
Li gorî daxuyaniya Rêveberiya Giştî, birayê vî çeteyî jî li navçeya Taciya Bexdayê ji aliyê hêzên ewlekariyê ve hatibû kuştin.
Di dewama daxuyaniyê de hate ragihandin ku piştî hilweşîna xelafeta DAÎŞ’ê, ev terorîst berê xwe daye Silêmaniyê û li wir bi cih bûye. Lê belê hewla wî ya ji bo veşartina nasnameyê û birêvebirina çalakiyên veşartî yên ji bo rêxistinê li sînorê Silêmaniyê berdewam bû, heta ku di dawiyê de ji aliyê hêzên Dije-Terorê ve hate tespîtkirin û girtin.
