Tulay Hatimogullari di serdana Edeneyê de ya bi keyayan re diyar kir ku ji bo çareserkirina pirsgirêkên li Tirkiyeyê bi rengekî hevpar wan xwestin bi keyayan re bicivin.
Hevseroka DEM Partiyê anî ziman ku ji ber li Tirkiyeyê demokrasiyeke xurt nîne erkên keyayan jî hatine sînordarkirin û qala pirsgirêkên keyayan kir.
Tulay Hatimogullari bal kişand ser Kampanya Edalet, Aştî û Kedê û got, “Yên ku herî zêde bi têkoşîna nan zane, herî baş radigihîne û hîs dike hûn keya ne.”
Hevseroka DEM Partiyê işaret bi girîngiya keyayan a di Pêvajoya Aştî û Civaka Demokratîk de kir û got, “Divê keya bê şert û merc piştgiriyê bidin vê pêvajoyê. Em weke 86 milyon welatî divê li dora vê pêvajoyê bicivin ku karibin aştiyê ava bikin. Hûn nêzî kîjan partiyê dibin bibin, deriyê partiya me heta dawiyê li we keyayên hêja vekirî ye.”

