Gronland kuk herêma xweser a ser bi Danîmarkayê ye û girava herî mezin a li Cemsera Bakur e, ji dawiya meha Kanûnê û vir ve di rojevê de ye, ku Serokê DYE’yê xwest, vê giravê tevlî nava xaka Dewletên Yekbûyî yên Emerîkayê (DYE) bike. Tê payin ku li Gronlandê hilbijartinên qanûndanînê 11’ê Adarê bêne kirin.
Serokê DYE’yê li Kongreyê di axaftina xwe de got, “Vê êvarê peyameke min ji bo gelê bêhempa yê Gronlandê heye. Em bi xurtî piştgiriyê didin mafê we yê diyarkirina çarenûsa xwe. Eger hûn bixwazin em li Dewletên Yekbûyî yên Emerîkayê li benda we ne.”
Trump di vê axaftina xwe de got, “Ji bo ewlekariya navneteweyî bi rastî jî pêwîstiya me bi vê heye û bawerim em ê vê bi dest bixin. Bi vî rengî yan jî bi wî rengî.”
Serokê DYE’yê got, “Em ê ewlehiya we bikin, em ê we dewlemend bikin û em ê bi hev re Gronlandê bilind bikin.”
