Serokê DYE’yê got, têkildarî bernameya nukleer a Îranê bi Tehranê re “hevdîtinên rasterast” pêk anî, Tehranê jî qala hevdîtinên “nerasterast” kir.
Ev daxuyanî di dema serdana Netanyahû ya li Washîngtonê de, hate dayîn. Binyamin Netanyahû tawîzên ticarî yên ku hêvî dikir bi dest bixe, bi dest nexist. Serokwezîrê Îsraîlê Binyamin Netanyahû bi tundî li dijî peymaneke bi Îranê re ye.
Trump got, “Bi Îranê re hevdîtinên me yên rasterast hene. Destpê kirin, roja Şemiyê jî wê dewam bikin, em ê civîneke pir mezin lidar bixin.”
Trump ev yek jî li axaftina xwe zêde kir: “Civîna roja Şemiyê, wê di asteke pir bilind de were kirin.”
Wezîrê Karên Derve yê Îranê Abbas Arakçi ragihand ku 12’ê Nîsanê wê di navbera Îran û DYE’yê de hevdîtinên nerasterast li Umman’ê destpê bikin.
Arakçi di peyama xwe ya li ser hesabê xwe yê medyaya dîjîtal a X’ê parve kirî de, wiha got: “Îran û DYE wê Şemiyê li Umman’ê di asta bilind de hevdîtinên nerasterast pêk bînin. Ev hem derfetek e, hem jî ceribandinek e. Top li qada DYE’yê ye.”
