Turk, da zanîn ku koma girêdayî wan ji bo pêvajoyên dadwerî delîlan kom dikin û Dadgeha Cezayê ya Navneteweyî rewşê ji nêz ve dişopîne û got, “Her kesê ku tevlî vî şerî bûye, divê zanibe em we dişopînin û edalet dê were bicîhanîn.”
Volker Turk, komkujiya li El-Faşîr wekî “lekeyek” ji bo civaka navneteweyî bi nav kir û destnîşan kir ku hêzên cîhanê nikarin tundiya li El- Faşîrê rawestînin.
Sekreterê Giştî yê Neteweyên Yekbûyî Antonio Guterres, fikarên xwe yên kûr li ser “zilm û binpêkirinên mafên mirovan” ên li el-Faşîr anî ziman û bang li artêşa Sûdanê û Hêzên Piştevaniya Lezgîn (HPL) kir ku şer rawestînin û dest bi danûstandinan bikin.
HPL ku tê îdiakirin ku ji aliyê Îmaratê ve tê piştgirî kirin, hefteya bihurî kontrola el-Faşîr ji nû ve bi dest xist. Wêneyên sivîlên ku li nexweşxaneyan têne kuştin li ser medyaya civakî têne parve kirin.
Li gorî Neteweyên Yekbûyî şerê navxweyî yê du salan bûye sedema mirina bêhtirî 21 hezar mirovan û 14 milyon kes koçber bûne.
Dozgerên Dadgeha Cezayê Navneteweyî dest bi berhevkirina delîlên komkujî, tecawiz û sûcên din ên şer ên li el-Faşîr hatine kirin kirine.
