Fermandariya Giştî ya Yekîneyên Parastina Jin (YPJ) bi daxuyaniyekê şehadeta 3 hevrêyên xwe aşkera kirin û soza şopandina rêça wan heta serkeftinê û Kurdistana azad da.
Berfirehiya daxuyaniyê wiha ye:
“Şoreşa azadiyê, bi saya qehremanên ku hebûna xwe ji bo welat feda kirine, her roj mezin dibe û ber bi serkeftinê ve dimeşe. Dîroka azadiyê ya Kurdistanê, dîroka afirandina ‘Mirovê Azad’ û ‘Civaka Azad e’. Ji bo parastina nirxên civakî û mirovî şervanên azadiya welat herdem bi ked û azweriyeke bê hempa têkoşiyan. Hevrêyên me Koçerîn Lavînya, Şîlan Canfeda û Kînda Brûsk jî biryardariya azadiyê dane nîşandan û li hemberî planên kirêt canê kirin mertal. Bi rûhê xwe yê fedayî heta henaseya xwe ya dawiyê ber xwe dan, têkoşiyan û tevlî karwanên nemiran bûn. Em di serî de ji mîmarê jiyana azad Rêber Apo re, malbatên hevrêyên xwe yên hêja û tevahî gelê xwe yê welatparêz re sersaxiyê dixwazin.
Şervanên YPJ’ê, bi fedadakariyeke bêhampa bi helwest û keda xwe xwedî li tekoşîna jinên cîhanê û tevahî jinên kurd derketin. Di sedsala 21’emîn de ji bo bi destxistina azadiya civakî wêrekiyeke ku dane nîşandan serfiraziya civakên azadîxwaze. Jinan tu carî dagirkerî û destwerdana li ser xaka xwe qebûl nekirin û li hemberî wê jî xwe rêxistin kirin û serînetewadin. Jinan herdemê ji bo azadiya civakan berdelên giranbûha dan. Bi taybet bi Şoreşa Rojava re tekoşîna jinên azadîxwaz cardin rûh qezenç kir. Li hemberî polîtîkayên jinan tune dihesibîne û nasnameya jinan qebûl nake, YPJ xwedî helwest û biryardariyeke xûrt e. Ji ber wê jî YPJ li hemberî her cûre êrîşên ku li ser azadiya jin û civakê tê kirin, bi rûhê Rindexan û Bêrîtanên demê têdikoşe. Di hema Çilê de di çarçoveya plangeriyeke xedar de li ser gelê Sûrî û Rojava êrîşn tune kirina îradeya gelan hate pêkanîn. YPJ jî di eniyên herî pêş de ji bo parastina destkeftiyên şoreşa jin çeper girt. Hesabên li ser herêmê hate kirin, rastî biryardariya parastina şervanên azadiya welat hat.
Nurcan Başak bi nasnav Koçerîn Lavînya di sala 1986 li Sêrt di nava malbateke welatparêz de ji dayik dibe. Malbata hevrê Koçerîn li herêmê ji ber sekna xwe ye welatparêziyê tê nasîn û di oxira doza azadiyê de gelek berdelên giranbûha didin. Tekoşîna Tevgera Azadiya Kurdistanê di têşe girtina kesayeta fermandar Koçerîn de dibe hemaneke giring û diyarker. Bavê hevrê Koçerîn di tekoşîna li hemberî pergala qirkirker de xwedan helwest bû û ji ber wê jî di sala 1992’an de ji aliyê pergala qirker ve tê hedef girtin û şehid dibe. Hem şahadeta bavê wê û hem jî bi tevahî welatparêziya herêmê li ser Fermandar Koçerîn bandorek mezin dike. Di sala 2007’an de hevrê Koçerîn ji bo azadiya gelê xwe bi avayekî çalak dest bi xebatan dike. Hilbijartina rêka azadiyê di jiyana hevrê Koçerîn de deriyên nû yên jiyanê vedike.
Bi pêşketina Şoreşa Rojava re hevrê Koçerîn berê xwe dide Rojavayê Kurdistanê û di sala 2015’an de di nava refên YPJ’ê de cihê xwe digre. Bi kesayeta xwe ye gêhîştî û xwedî sekin di demek pir kûrt de, di pîvanên azadiya welat û jin de xwe şareze kir. Kesayeta xwe li ser esasê ramanên Apoyî perwerde kir û di nava hevrê yên de bû çavkaniya morale. Koçerîn her kêliya jiyana xwe bi felsefeya jiyana azad jiya û weke milîtaneke pêşeng a xeta azadiya jinê di eniyên pêş de cih girt. Hevrêya me Koçerîn, her tim li dijî pergalên serdest ên ku cewherê mirov û civakê hildiweşînin, eniyeke herî radîkal a ramanî û bîrdozî pejirand. Ji roja ku gavên xwe yên yekem avêt nav refên şoreşê û vir ve, bi dilsoziyeke mezin, bi dildarî û bi rûkeniya xwe ya ku tu carî ji rûyê wê kêm nebû, di dilê her hevalekê de cîhekî mezin girt. Weke fermandareke jin di eniyên şer de bi rûhê qehremantiya serdemê rê neda êrîşên komên çekdar. Dema ku komen çekdar li Derhafir pey dek û dolaban bûn, Fermandar Koçerîn û hevrêyên wê Şîlan û Kînda bi vîna ji pola û bi baweriyeke mezin bersiva êrîşên van komên çekdar dan. Eniyên şer, şahidiya hênaseya berxwedêr ya Fermandar Koçerîn kir. Wê li hemberî hemû bêbextiyan, xeta berxwedanê ya Apoyî parast û heta dilopa xwîna xwe ya dawî tawiz ji rûmeta gelê xwe neda. Fermandara me Koçerîn, mînak û pîvana mîlîtantiya demê ye. Hevrêya me Koçerîn Lavînya di dîroka 16’yê Çileya 2026’an ji bo ku nekeve destê çeteyan bi bombeya xwe çalakiya fedayî kir, tevlî karwanên nemiran bû.
Mihrîban Şorli bi nasnav Kînda Brûsk, li ser koka çand û berxwedana Serhedê, li Mûşê mezin bû. Wê ji zarokatiya xwe ve rastiya polîtîkayên asîmîlasyon û qirkirinê ya li ser gelê xwe nas kir û li dijî vê sîstemê, biryara herî radîkal a jiyanê da. Ev pêngav, ji bo Heval Kinda tenê destpêka şerekî fîzîkî nebû; ew veguherînek bîrdozî û felsefî ya kûr bû. Hevrêya me Kînda, bi sekna xwe ya îdeolojîk nîşan da ku şoreşgerî di her şert û mercî de afirandina jiyana nû ye. Têkoşîna hevrê Kînda, di xeta îdeolojîk a tevgera azadiyê de xwedî taybetmendiyên herî pîroz û mînak e. Wê li dijî polîtîkayên dagirkeriyê yên ku dixwazin Kurdistanê bê nasname bihêlin, ala azadiyê her tim li ba kir û bû dildara herî mezin a azadiya welatê xwe. Heval Kinda di her qada ku lê ma bi taybetmendiyên xwe yên bi kedkar, durust û dilnizm hat naskirin. Ji bo wê, her wezîfe û erka şoreşgerî pîroz bû. Wê zor û zehmetiyên jiyanê bi kenê xwe yê şoreşgerî û vîna xwe ya pola parçe kir. Hevrêya me Kînda Brûsk di dîroka 17’ê Çileya 2026’an li Dêrhafirê di pevçûneke dijwar a li dijî komên çekdar de bi lehengî şer kir û tevlî karwanên nemiran bû.
Em ê di rojên pêşiya me de di derbarê hevala xwe Şîlan Canfeda ku bi rûhekî qehremaniya serdemê, ji bo nekeve destê dijmin bi bombe xwe ye çalakiya fedayî kir jî agahiyan ji civak û raya giştî re parve bikin.
Em di kesayetiya hevrêyên xwe Koçerîn, Şîlan û Kînda careke din soza pekanîna armancên hemû şehîdên azadiyê nû dikin. Em weke YPJ bi biryar in ku em ê bibin şopdarên hevalên xwe. Çeka ku wan li pey xwe hiştiye wê tu carî li erdê nemîne û ala têkoşînê ya ku wan radestî me kiriye, em ê heta serkeftinê bilind bikin. Em ê ji bo Kurdistanek azad û Rêbertiya azad herdem têbikoşin ta ku serkeftina gelê me mîsoger be.
Nasnav: Koçerin Lavinya
Nav û paşnav: Nurcan Başak
Cih û dîroka jidayikbûnê : 1/6/1986
Navê dayikê : Ayşe
Navê bav : Ali
Dîroka şehadetê : 16/1/2026
Nasnav: Kinda Brusk
Nav û paşnav: Mihriban Şorli
Cih û dîroka jidayikbûnê : 1/1/1998
Navê dayikê: Munasip
Navê bav: Mehmet Seid
Dîroka şehadetê : 17/1/2026.”
