Duh di saetên şevê de di navbera navçeya Xana Axpar a Amedê û navçeya Şemrex a Mêrdînê de, şewat derket. Şewat belavî qadên niştecihiyê jî bû. Li gorî daneyên destpêkê, 7 kesan di şewatê de jiyana xwe ji dest dan û gelek kes jî birîndar bûn.
Cenazeyên Resûl Yilmaz û Şêxmûs Demîr ên ku li gundê Keleka ya girêdayî Şemrexê jiyana xwe ji dest dan, li goristana taxê hatin veşartin.
Hevserokên Partiya Herêmên Demokrasîk (DBP) Çîgdem Kiliçgun Ûçar û Keskîn Bayindir, parlamenterên Partiya Wekhevî û Demokrasiyê ya Gelan (DEM Partî), hevşaredarên Amed, Êlih û Mêrdînê û gelek kes beşdarî merasîma veşartine cenazeyan bûn.
