Wezareta Karên Hundir di daxuyaniya dayî de, ragihand ku Navenda Îslamî ya ku li Hamburgê mizgeftekê bi rêve dibe û li seranserî Elmanyayê hemû organîzasyonên ku girêdayî wê ne, hatin qedexekirin.
Wezaretê got, “Ji ber ku rêxistineke îslamî ya tund e ku armancên xwe yên dijberî zagona bingehîn a navborî, didomînin.”
Hat ragihandin ku sihara Çarşemê, li seranserî Elmanyayê polîsan bi ser 53 navnîşanên girêdayî navenda navborî de girtine. Li gorî Wezareta Karên Hundirîn a Federal li Hamburg, Bremen, Berlin, Saksonya Jêr, Mecklenburg-Vorpommern, Hessen, Bakurê Ren-Vestfalya û Bavyerayê lêgerîn kirine.
Li gorî medyaya Elmanya, îro di saetên siharê de komeke qelebalix a polîsan li ‘Mizgefta Şîn’ lêgerîn kirin. Hat îdîakirin ku ev avahî, navenda komeleya îslamî ya li Hamburg’ê ye û ‘qereqola li pêş’ a Îranê ye.
Li gorî Wezîra Karên Hundir a Demokrat a Civakî Nancy Faeser, IZH ku ‘nûnerê yekser’ ê lîderê olî yê Îranê ye, li Elmanyayê îdeolojiya “Şoreşa Îslamê” bi rengekî êrîşkar û milîtanî belav dike.
WEZÎR: EM LI DIJÎ OL TEVNAGERIN
Faeser her wiha piştî biryara qedexekirina komeleyê, ev tişt got: “Em li dijî ol tevnagerin. Baweriya Şîa û bi rengekî aştiyane pêkanîna wê, ji qedexeyê bandor nabe.”
