Nefel Produksiyon ku li Bakur û Rojhilatê Sûriyeyê weşangeriyê dike, yekemcar di 27’ê Tîrmeha 2017’an de dest bi hilberînê kir. Bi derfetên kêm ên teknîkê dest bi vê rêwîtiyê kir û di vê rêyê de hefteyê 12 dosya û 10 bernameyan çêdike. Di demeke kurt de 72 fîlmên dokûmanter jî amade kir û bal kişand ser xwe.
BI XURTÎ DEST BI KARÊ MEDYAYÊ KIR
Nefel Produksiyon ku bi projeyên weke Şehîd Yûsûf Gulo, Li dû fîlmekî windayî, Kenê Spî, Şoreşa Rojava û Pêşengên Şoreşê bal kişand ser xwe, bi qenalên girîng ên televîzyonên Stêrk TV, Medya Haber, Aryen TV û Çira TV re hevkarî kir û li nava medyayê de bû xwedî cihekî girîng. Her wiha ji bo Jin TV û Elyûm jî nûçe û bernameyan amade dike û bi vî rengî rewşa li Rojava ji nêz ve dişopîne.
Nefel Produksiyonê ber bi dawiya sala 2018’an li ser daxwazan dest bi weşana zindî jî kir û studyoya xwe nû kir. Bi vê gavê re li derveyî studyoyê li gund û bajarokan jî dest bi weşana zindî kir. Ev weşanên ku çîrokên enternasyonalîstên li şoreşa Rojava didin pêş, perspektîfeke cuda pêşkêşî temaşevanan kir. Her wiha li ser fikrên Rêberê Gelê Kurd Abdullah Ocalan bernameyên ji 45 deqeyan amade kir û wergerand Kurdî.
SERKETINA BI DERFETÊN KÊM
Nefel Produksiyon li gel derfetên xwe yên kêm ên studyoyê bi rêk û pêk bernameyên siyasî amade kir.
Nefel Produksiyonê bi hevkariya bi Stêrk TV, Medya Haber, Aryen TV û Çira TV re bernameyên dewlemend ji van qenalan re amade dike. Bername li gorî daxwaz û pêwîstiyên heyî têne amadekirin û naverokên dewlemend têne pêşkêşkirin. Tîmek ku ji bo amadekirina dosyayên taybet û dokûmanteran hatiye avakirin, mijarên dosyayê yên berfireh lêkolîn dike û van bernameyan li televîzyonan belav dike.
Bi taybetî dosya û bernameyên taybet ên ji bo Ronahî TV û Rojava TV bi hesasiyet têne amadekirin, kir ku Nefel Produksiyon her sal naveroka xwe xurt bike û binesaziya xwe ya teknîkî jî xurt bike, berheman biafirîne. Ev kar bandora Nefel Produksiyonê ya li nava medyayê zêde dike.
WEŞANGERIYA LI DORA JINÊ
Nefel Produksiyon cih dide mijarên krîtîk ên li ser rola jinê ya di nava jiyan û şoreşê de. Bernameya ‘Hêvî’ yek ji wan e. Bername li ser pirsgirêk, jiyan, têkoşîn û serketina jinan tê amadekirin.
Bi saya bernameyên têkildarî jinan, jin di nava civakê de hîn bêhtir têne dîtin û di medyayê de bêhtir bi roleke çalak radibin.
