Wezîrê Karên Derve yê Emerîkayê Antony Blinken û şandeya pê re piştî serdana Urdinê tê payîn ku bi Serokomarê Tirkiyeyê Erdogan û Hakan Fîdan re bicivin.
Wezareta Karên Derve ya Emerîkayê têkildarî serdana Blinken de daxuyandibû ku wê li ser xebatên piştî rûxandina rejîma Esed, pêvajoya siyasî ya li welat û peymana agirbesta muhtemel a li Xezeyê biaxivin.
Antony Blinken di çarçoveya gera xwe ya dîplomatîk de piştî rûxandina rejîma Beşar Esed bi Qralê Urdinê Ebdullahê Duyem û Wezîrê Karên Derve yê Urdinê Eymen El Safedî re civiya.
Blinken ji bo hevdîtina bi Serokomarê Tirkiyeyê Erdogan û Wezîrê Karên Derve Hakan Fîdan re hat Enqereyê. Blinken beriya ku ji Urdunê biçe Tirkiyeyê ji rojnamevanan re got, “Di serdemeke ku ji bo hikûmeta demkî ya Sûriyeyê bibe rêyeke baştir, em dixwazin li Sûriyeyê ji pêvçûnên navxweyî dûr were sekinandin. Rêya vê yekê jî em nehêlin ku DAÎŞ rûyê xwe yê qirêj careke din derxîne holê.”
Blinken diyar kir ku ji bo li Sûriyeyê koordînasyon avabikin û “ji bo pêşiya hin aktorên ku berjewendiyên xwe yên teng li ser bejewendiyên gelên Sûriyeyê bigirin” wê bi Erdogan û Fîdan re bicive.
