Bi pêşengiya Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) li Qada Îstasyonê ya li navçeya Yenîşehîr a Amedê, bi şîara “Ji bo aştiyê azadî” mîtîng hate lidarxistin. Piştî mîtîngê ciwanekî ku ber bi Cadeya Gevran ve meşiya, bi hinceta “li hemberî polîsan li ber xwe daye” li erdê hate xişikandin û piştre hate binçavkirin.
Parlamentera DEM Partiyê ya Sêrtê Sabahat Erdogan Saritaş û ciwanan xwest mudaxileyî vê yekê bikin, lê belê polîsên Tirk êşkence li wan kir. Polîsan bi gaza îsotê êrîşî gel kir, 5 kes birîndar bûn.
Piştî mîtîngê polîsan pêşiya ciwanên ku ber bi Navenda Kongreya Çand Amed ve dimeşiyan, hate girtin û 4 kes hatin binçavkirin. Hat diyarkirin ku yek ji kesên binçavkirî, 15 salî ye.
Gulistan Daştan jî hate binçavkirin ku xwişka rojnamevan Nazim Daştan ê li Bakur û Rojhilatê Sûriyeyê ji aliyê dewleta Tirk ve hatibû qetilkirin e. Hinceta binçavkirinê jî, hilgirtina wêneyê Nazim Daştan bû.
Her wiha nûçegihana JINNEWS’ê Rojda Aydin xwest dîmenê êrîşa polîsan bigire, lê ew jî rû bi rûyê êşkenceyê ma. Kameraya Rojda Aydin zirar dît.
