Hevserokatiya Konseya Rêveber a KCK’ê ji bo nivîskara sosyalîst û wergervan Sevîm Bellî ku duh jiyana xwe ji dest da, peyameke sersaxiyê weşand.
Di peyama KCK’ê de ev tişt hatin gotin:
“Em bi xemgîniyek mezin wefata Sevîm Bellî ku yek ji pêşengên tevgera sosyalîst a Tirkiyeyê û têkoşîna demokratîk a şoreşger bû, hîn bûn. Sevîm Bellî şoreşgereke mezin e, sosyalîst e, têkoşer e, dost û hevrêya gelê Kurd e. Em Sevîm Bellî bi rêzdarî bibîr tînin. Em sersaxiyê ji malbat, xizmên wê û tevgera sosyalîst demokratîk a Tirkiyeyê re dixwazin.
Sevîm Bellî di pêşketina tevgera sosyalîst û têkoşîna Tirkiyeyê de xwedî cihekî girîng e. Tevkariyên mezin li têkoşîna sosyalîzmê kir û pêşengî ji tevger û têkoşînê re kir. Ked û berdêlên mezin da. Di ciwantiya xwe de tevlî têkoşîna sosyalîzmê dibe û heta nefesa xwe ya dawî didomîne. Ji bilî têkoşîna siyasî, di xebatên rewşenbîrî de jî cih girt û di vî warî de pêşengî kir. Weke jinekê tevlîbûna wê hem di têkoşîna siyasî de û hem jî di xebatên fikrî de çêbûn. Her wiha ji bo pêşketina îrade û nasnameya jinê, zanakirina wê jî rolek girîng lîstiye. Di vî warî de bûye kesayetekî pêşeng.
Li aliyê din Sevîm Bellî jî mîna hevserê xwe Mihrî Bellî mînakeke mezin a hevgirtina bi gelê Kurd û Têkoşîna Azadiyê ya Kurdistanê re nîşan da. Bi Rêber Apo re têkiliyeke wan a hevaltî û hevrêtî hebû. Di helwestên xwe de gelek hevgirtî û bêtirs bûn. Ji bo şikandina şovenîzma li Tirkiyeyê û pêşxistina hevgirtin û têkiliyên bi Têkoşîna Azadiyê ya Kurdistanê re di nava tevgera demokratîk a sosyalîst a Tirkiyeyê de, tevkariyên girîng kirine. Di pêşketina eniya têkoşîna hevpar a navbera tevgera demokratîk sosyalîst a Tirkiyeyê û gelê Kurd de roleke girîng lîstine. Sevîm Bellî jî bi Tevgera Jinên Kurd re di nava piştevaniyê de bû. Di vir de kedeke mezin da. Pîvan û armanca me ew e ku em kesayeteke bi vî rengî ya pêşeng her tim bi bîr bînin, têkoşîna wê zindî bihêlin û armancên wê pêk bînin.”
