Fermandariya Giştî ya Hêzên Parastina Jinên Rojhilatê Kurdistanê (HPJ) rojbûna Rêber Apo pîroz kir û bal kişand ser girîngiya fikir û têkoşîna wî ya ji bo gelê Kurd û hemû cîhanê. HPJ’ê 4’ê Nîsanê weke qonaxeke dîrokî pênase kir û bal kişand ser keda Rêber Apo ya ji bo azadî û modernîteya demokratîk û girîngiya felsefeya “Jin Jiyan Azadî”.
Fermandariya HPJ’ê, di daxuyaniya xwe de diyar kir ku mirov ji dema xwe ya destpêkê heta roja me ya îro ketiye hewldana fêmkirina heqîqeta xwe û ya gerdûnê û got, “Di şexsê her mirovek de lêgerîna ku pêş ket wateyeke mezin ava kir û mirovahî gihand vê rojê.”
HPJ’ê, anî ziman ku her mirovek li ser bingeha rastiya xwe bû beşek ji rastiya jiyanê û wiha domand, “Lê di giştî de heqîqet weke nepeniyek ma. Rojek hat û heqîqet sirra xwe di zayîneke efsunî de veşart. Di wê zayîna zêrîn de ji kêliya xwe ya destpêkê heta 4’ê Nîsanê 1949’an dîrok hat ziman û dem herîkîna xwe ber bi azadî, ber bi heqîqetê ve araste kir. Ev zayîn li dergûşa şaristaniya demokratîk Kurdistanê serdemeke nû vekir û bû hêviya jiyana nû ku li ser koka heqîqeta mirovahiyê şîn dibe.
Bi taybet gelê me vê rojê weke pîroziyek dît û weke zayîna xwe qebûl kir. Li bihişta ser rûyê erdê Kurdistan, roja 4’ê Nîsanê ku roja herî xweş ya biharê ye di dem û cihek taybet de Rêber Apo vê jiyanê pîroz kir.”
Berdewama daxuyaniya Fermandariya HPJ’ê bi vî rengî ye:
“Bi avakirina têkoşîna azadiyê Kurdistan ku Rêber Apo vê weke zayîna duyem qebûl dike, pêngavên ber bi jiyana azad bi rengekî şênber destpêkirin. Rêber Apo bi fikir û felsefeya ku ava kir, bi sîstem û rêxistinbûna ku pêş xist re, her kêlî vê meşê azadiyê bihêz kir û bi mîsyona xwe ya dîrokî di serî de ji bo gelê Kurd, Rojhilata Navîn û tevahiya cihanê bû Rêberek bê emsal.
Her ku têkoşîna azadiyê mezin bû û felsefeya Rêber Apo berbelav bû, gelê Kurd ji pença qirkirinê roj bi roj rizgar bû. Gihişt astekî ku li beramberê dijminê ceberud xwe di pêşengiya jin de rêxistin bike û bi dînamîzma xwe ji sîstema wan tol rakir û vê sîstemê ji bingeh de hejand. Bi taybet bi avakirina paradîgmaya modernîteya demokratîk, Rêber Apo vî şerî veguherand şerê sîteman. Sîstema modernîteya demokratîk li beramberî sîstema modernîteya kapîtalîst bû alternatîfek wisa ku li tevahiya cihanê di serî de jin û ciwan, hemû mirovahiyên azadî û demokrasîxwaz li dora Rêber Apo bibin yek.
Yek ji teyisîna vê rastiyê li Rojhilatê Kurdistan û Îranê bi şoreşa ‘Jin Jiyan Azadî’ re derket pêş. Di pêşengiya jinên Rojhilatê Kurdistan de, hemû jinên cihanê bi felsefeya ‘Jin Jiyan Azadî’ ku afrînerê wê Rêber Apo ye, li beramberê sîstemê mêr-dewlet bi yek deng qêriyan û di dîrokê de dibe ku cara yekeme ku jin bi hevgirtineke bi vî rengî li beramber sîstema mêrsalar hesap pirsîn. Rêber Apo di serî de li Kurdistan, Rojhilata Navîn û tevahiya cihanê bandorek wisa ava kir ku di dîrokê de mînakê wî nîne. Ji bo vê em jî weke HPJ’ê 4’ê Nîsanê di serî de ji bo gelê Kurd û ji bo hemû mirovahî weke vejînek zêrîn dibînin û rojbûna Rêber Apo ya 76’emîn di serî de li Rêber Apo, jinên Rojhilatê Kurdistan, Îranê û li tevahiya mirovahî pîroz dikin.”
