Hevseroka Daîreya Têkiliyên Derve ya Rêveberiya Xweser a Bakur û Rojhilatê Sûriyeyê Îlham Ehmed derbarê serdana hevpar ku îro li Bendava Tişrînê pêk hat, daxuyaniyên girîng kir.
Îlham Ehmed diyar kir ku pêvajoya mitebeqetê ku di navbera Hêzên Sûriyeya Demokratîk û hikûmeta Şamê ya demkî de li Helebê hate destpêkirin, hatiye asteke girîng û wiha got: “Îro li Bendava Tişrînê bi serdana hevpar a aliyan ve rewş hat çavdêrî kirin û ji bo temamkirina mitebeqetê ku gavên wê yên pratîk li Helebê hatin avêtin, gaveke din jî hate avêtin.”
Îlham Ehmed destnîşan kir ku ev pêşketin ne tenê diyaloga di navbera her du aliyan de avakirina pêşerojeke demokratîk û hevpar a ji bo hemû Sûriyeyiyan hedef dike.
Îro Hêzên Koalîsyona Navneteweyî û heyetekî girêdayî desthilatdariya Şamê serdana Bendava Tişrînê kiribûn.
