Kempeyn bo azadî rêber Ocalan(3)
Eme ew kate ekewête ser sehneyekî siyasî çende ekrê û min çîm bo ekrê min mecbûrim le nîtaqe piçkolekey xomda û le naw akadêmya da eme bikem belam bê cêge nabê dilniyam le çend salêkî ayinde da, em îşe ke ekrê bê cêge nabê lew buware da dîsan bêmewe ser ewey ke êsta emroke ême le şexsî berêz Ocalan da basî kempeynêk dekeyn eweş dîsanewe her ebestirêtewe be wewe ye’nî min natuwanim basî qezîyey Kurd bikem be bê ewey basî berêz Ocalan bikem. Be bê ewey basî em çil sale bikem, be bê ewey basî ew core le berxwedan bikem û be bê ewey ke qise le corêkî tir le tefsîrêkî baştir bo soşyalîzm û bo ‘edaletî îctîma’î bikem ke êsta alahelgirekey berêz Ocalan û gurûpekeyetî, xeyalekeyetî nek gurûpêk be tenya. Ke ewe berastî xoşbextîyeke minîş beşêk bim lew core le xeyal û qisekirdin.
Qazî: Berêz Sîvan Se’îd dezanîn ew bangewaze raste ke le esilda KCK dawyetî û rastîşe ke berêz Ocallan wekû serokî ew bizûtnewe rizgarîxwazyeye lew beşe belam wek dezanî ew hizir û ew boçûnaney ke berêzî be taybetî le mawey ew nozde saley ke le zîndan daye pêşî xistûwe numûney nîye le astî nêwneteweyî da eger temaşay bikey yanî kesêk ke esîr bê de destî hêzî muqabîl da, hêzî pêçewane da, hêzî netewî da [netewî yanî dujmin H.Q] belam le heman katda bituwanê ew hemû lêkdaneweyey hebê bo ewey ke bikrê zemîneyek durust bikrê bo ew xelkey ke le cuxrafyayek da dejîn le heman katda ke mafî yektirî deparêzin bituwanin beyekewe bijîn. Ca lew pêwendîye da le pêşda lewera dest pêbkeyn ke cenabit ew alugor û pêşweçûnî fikrîye çon lêk dedeyewe dezanîn ke le seretawe le ser binemay Marksîzm – Lênînîzm be şêwey kilasîk bûwe belam lew salaney duwayîda berew ewe hatûwe zor cuwan debînîn boçûnekanî berêz Ocalan ta radeyek tuwanî le astî şaredarîyekanda le Bakûrî Kurdistan tetbîq bikrê ta radeyek û be şêweyekî fê’lî tir û ’emelî tirîş ewe debînîn le Rojaway Kurdistan berêwe deçê. Pêm xoş bû le ser kakilî fikrîyeke le pêşda hêndêk ziyatir biroy fermû!
Sîvan Se’îd: Dû nuxte girîng e be lamewe yekêkyan eweye ke em xeyalaney berêz Ocalan le şokêkewe hatûwe ke le salanî heftakanewe legelî da hatûwe. Ew şoke xeberî kirdûwetewe lewey ke ême pêwîste îşêkî girîng bikeyn ke ciyawaz bê. Ewîş emeye ke êsta deylêm. Ebêt to xot sahe diyarî bikey bo şerkirdin legel dujimineket, nek dujimineket sahe diyarî bika bo ewey to şerî legel bikey. Eme ew şokey le kwêwe hatûwe? Yekêk le hevalekanî şehîd ebê, Heqî Qerar bîr dekatewe ke em saheyekî destinîşan nekirdûwe bo şer kirdin belkû dujmin sahey destinîşan kirdûwe em çûwete sahekewe boye lêy şehîd kirawe. Leber ewe lew katewe bîrî kirdûwetewe le durustkirdinî saheyekî tir ke têyda dujmin netuwanê espî xoy taw bidat. Boye xeyalî gorîwe lewey meselen eger to dewletêk durust bikey le baştirîn halet da dewletî Kurdistanî musteqîl durust bikey ewey ke caran bangeşey bo dekrid dewletêk nabê baştir lewey ke êsta le Turkiya heye pire le faşîzm û hemû ew şite naşîrînaney ke ême êsta rojane deybînîn her emro to debînî çendan hezar kes le zîndan dan ke azadîxuwazin, rojnamenûs û heta endamanî HDP û ewane. Ew saheyekî tirî durust kirdûwe ke ew saheye faşîzm û ew xeyaley ke êsta le ser kare natuwanê beşdar bê têyda, natuwanê têyda zîrek bê û natuwanê ew saheye qufil bikat û îdî xelik binêrêtewe bo malewe. Fîzîkî etuwanê xelkêkî zor bixate zîndan. Her emro min twitti xanmêktan pê bilêm be nawî Eren Keskîn ke parêzerêke elê lemrowe pêwîste hemûman bibîn be HDP, leber ewey HDP bûwe be remzî dje faşîzm, eweta faşîstekan eyangirin eyankene zîndan. Ye’nî be fîzîkî egîrên, be fîzîkî exrêne zîndan belam saheke ew saheyeye ke berêz Ocalan destipêşxerî kirdûwe bo durustkirdinî û êsta ewaney ke xoyan lew fezaye û lew sîrkile da debînin ke berêz Ocalan beşdar e le durustkirdinî da, nahêlê sahekeyan lê têk biçê, hemû şitêk ke êsta AKP deyka eweye deyewê tevgerî azadî bête sahekey AKPewe şer bika. Dest bika be Turk kuştin, dest bika be naşîrn kirdin, dest bika be şerî êtnîkî, dest bika be komelêk şitî bê me’na ke ewan deyken. Meselen kesêkî heşta sal temen leber ewey quranî xwêndûwetewe be Kurdî, mewlûdnamey be Kurdî
xwêndûwetewe, le zîndan da wefat ekat emro, mela ‘Elî Boşnak.
Eme her çonêk bûwe saheke ew saheyeye ke berêz Ocalan û hawrêkanî ta emro diyarîyan kirdûwe eme şitî esasîye, şitî dûwemyan eweye ke em tevgerre be hoy gorînî em xeyaleyewe tuwanîwyetî dost û hawrêy rasteqîney semîmî durust bika egerçî kemîş bin û le ayende da zor debin ewîş ewanen ke birwayan be yeksanî û wekhevî heye û şer kirdine legel şitêkda ke zêhnîyetî faşîzme ke ewe berastî dewletî faşîzmî Turkiya û dewletekanî tir hemû le ser ewe westawin. Yanî ew nehatûwe şer bika legel bodya, şerî kirdûwe legel zêhnîyetî dewlet da, ew binkolî dewlet deka leber ewe eger yekêk pêy wa bê ke Ocalan xerîkî îşêke, şer deka le ser şitêk ke nîyetî, na ew ew şitey ke xelik heyetî be bê nirxî dezanê, deyewê ewe binkol bika bilê nexêr ême ewey ke pêy dewitrê dewlet û pîroze lay êwe ême eweman nawê, ême emanewê şitêk durust bikeyn ke le dewlet baştir bê, pêşrewtir bê û bo ewe bê ke ew xelke têyda îstrahet bika nek koyle bibê. Egîna min le şwênêkî tirîş da basim kird, lewe deçê be rûmettirîn Turk le mîzanî dewletî Turkiya da kesêkî wekû Hesen Cemal bê ke le toremey Cemal Paşaye îtir Turk lewe Turktir nîye belam ew êsta kesêk nîye ke parêzraw bê le dest faşîzmî AKP û faşîzmî MHP.
Dirêjey heye…
