Komeleya Lêkolînên Ziman û Çandên Mezopotamyayê (MED-DER) li Amedê li Salona Konferansê Tahîr Elçî ya Baroya Amedê Meclîsa Kirmanckî îlan kir.
Hevseroka MED-DERê Şukran Yakut daxuyanî xwend. Şukran Yakut diyar kir ku zimanê kirmanckî di bin bondora tinebûnê de ye û wiha axivî: “Li Tirkiyeyê dijî polîtîkayên bişaftinê 18 ziman li ber windabûnê ne. Kirmanckî jî yek ji wan e. Têkoşînên sazî û dezgehên ji bo kirmanckî kêm in. Divê têkoşîna berfireh were dayîn. Rêberê Gelê Kurd Abdullah Ocalan 27’ê Sibatê banga dîrokî kir û daxwaza xwe rêxistinkirinê kir. Em vê yekê baş dibînin û em dest bi gava rêxistinkirinê dikin. Meclîsa Kirmanckî îlan dikin. Ji bo zimanê Kurdî bibe zimanê perwerdehiyê em ê di nav têkoşînê de bin. Ji bo hişmendiya zimane Kurdî pêş bikeve em ê bi welaten din re di nav têkiliyan de bin.”
Paşê Parlamentera DEM Partiyê ya Mêrdînê Salîha Akdenîz axivî û da zanîn ku dewlet bi polîtîkayên bişaftinê dixwazê zimanê Kurdî tine bike û got: “Divê em zimanê xwe yê zikmakî biaxivin. Banga Rêberê Gelê Kurd gelek giring e. Têkoşîna me piştgiriya bangê ye.”
Dawiyê Hevşaredarê Bajarê Mezin ê Amedê Dogan Hatun axivî û spasiya kesên ku keda wan di avakirina meclîsê çûbêne, kir. Hatun wiha axivî: “Îro kirmanckî di bin talûkê de ye. Ji bo vê avakirina vê meclîsê pewîst bû. Xwezî zimanê me hatiba axaftin û îro pêwîsî bi meclîseke wiha ne çênebûya.”
Daxuyanî bi gerandina govendê bidawî bû.
