Pêkhateyên Platforma Ked û Demokrasiyê ya Dersimê û gelek kes tevlî çalakiyê bûn. Di çalakiyê de wêneyên mirovên di binê çavan de hatin windakirin, hate hildan.
Hevserokê Şaxê Dersimê yê ÎHD’ê Ozgur Ateş daxuyanî da û bal kişand ser girîngiya Hefteya Windahiyan. Hevserok Nûrşat Yeşîl jî ji bo eşkerekirina aqûbeta Hatûn, yeter, Elîf Işik, Gulîzar, keça wê Dîlek Serîn a 3 salî yên li gundê Vartînîkê sala 1994’an winda bûn û Gulistan Dokû ya ku ji sala 2020’î û vir ve agahî jê nayê wergirtin, bang kir.
Nûrşat Yeşîl xwest, aqûbeta kesên hatin windakirin bê eşkerekirin, kiryar bêne darizandin, windakirin weke sûcê li dijî mirovahiyê bê qebûlkirin, dawî li bêcezahiştinê bê anîn, Tirkiye mohra xwe dîne binê Peymana li dijî Windakirina bi Zorê ya Neteweyên Yekbûyî (NY) û qedexeya li Qada Galatasarayê bê rakirin.
Daxuyanî bi çalakiya rûniştinê bi dawî bû.
