Navenda Ragihandin û Çapemeniyê ya HPG’ê got, “Çeperên Gerîla yên li Herêmên Parastinê yên Medyayê, ji aliyê artêşa Tirk ve 27 caran bi teqemeniyên qedexe, 7 caran bi gazên kîmyewî û çekên giran bi awayekî dijwar hatin bombekirin. Di daxuyaniya xwe ya beriya niha de me agahî parve kiribûn ku di encama van êrîşan de hevrêyê me Şiyar Cizîr li Metîna û hevrêyê me Baran Çiya li Zapê gihîştine şehadetê. Li dijî êrîşên artêşa Tirk ên ku didomin, gerîlayên Azadiya Kurdistanê di çarçoveya parastina rewa de bersiv dane.”
Daxuyaniya Navenda Ragihandin û Çapemeniyê ya HPG’ê bi vî rengî ye:
Êrîşên artêşa Tirk;
21 û 27’ê Gulanê li herêma Metînayê tunelên me yên li Qada Berxwedanê ya Şêlazê 16 caran, tunelên me yên li Herêma Şehîd Delîl a Rojavayê Zapê Qada Berxwedanê ya Girê Amediyê 11 caran bi teqemeniyên qedexe hatin bombekirin.
Di navbera 21 û 26’ê Gulanê de tunelên me yên li Herêma Şehîd Delîl a Rojavayê Zapê Qada Berxwedanê ya Girê Amediyê 7 caran bi gazên kîmyewî hatin bombekirin.
Di navbera 20 û 27’ê Gulanê de li Herêma Şehîd Delîl a Rojavayê Zapê tunelên me yên li Qada Berxwedanê ya Girê Amediyê 14, li herêma Metînayê tunelên me yên li Qada Berxwedanê ya Şêlazê 6 caran ji aliyê artêşa Tirk ve bi kepçeyan bû hedefa êrîşan û hewl hate dayîn ku bêne hilweşandin.
Di navbera 20 û 28’ê Gulanê de li Herêma Xakurkê Qada Berxwedanê ya Berê Zînê, li Herêma Garê qadên Girê Zengil, Dêreşê, Girgaşê, Sipîndarê, Mijê, Girê Reşît, Yekmalê, Zêvkê, Heftebax, kanî Sarkê, Girê Kun û Şehîd Dilgeş, li herêma Metînayê qadên Bêşîlî, Dergelê, Şêlazê, Serê Metînayê, li Herêma Şehîd Delîl a Rojavayê Zapê Qadên Berxwedanê yên Girê Amediyê û Girê Bahar bi çekên giran û obusan bi awayekî dijwar hatin bombekirin.
Gerîlayên Azadiya Kurdistanê di çarçoveya parastina rewa de bersiv dane êrîşan. Hûrgiliyên çalakiyên hêzên me bi vî rengî ne:
20’ê Gulanê saet 06:50’î li Herêma Şehîd Delîl a Rojavayê Zapê Qada Berxwedanê yê Girê Amediyê hedefên ku amadekariya êrîşê dikirin bi çekên giran hatin xistin û çeperek hate xistin.
20’ê Gulanê saet 14:11’an li Herêma Şehîd Delîl a Rojavayê Zapê Qada Berxwedanê yê Girê Amediyê li kepçeyên ku êrîşê tunelên me dikirin hat xistin û rawestandin.
21’ê Gulanê saet 12:40’î li Herêma Şehîd Delîl a Rojavayê Zapê Qada Berxwedanê yê Girê Amediyê li hemberî hedefên ku amadekariya êrîşê dikirin bi çekên teknîkî hatin xistin û wesayîtek zirxî hate derbkirin.
21’ê Gulanê saet 14:05’an li Herêma Şehîd Delîl a Rojavayê Zapê Qada Berxwedanê yê Girê Amediyê droneke teqemenî ku ji bo êrîşî tunelên me bike hatibû şandin ji aliyê hêzên me yên YJA Starê ve hate xistin û îmha kirin.
22’yê Gulanê saet 21:20’an li Herêma Şehîd Delîl a Rojavayê Zapê Qada Berxwedanê yê Girê Bahar hedefên ku hewl didan êrîş bikin bi çekên teknîkî hatin xistin û konteynirek hate derbkirin.
23’yê Gulanê saet 21:40’an li Herêma Şehîd Delîl a Rojavayê Zapê Qada Berxwedanê yê Girê Amediyê kepçeyên ku êrîşî tunelên me kirin, bi çekên teknîkî hatin xistin û kepçeyek hate îmhakirin.
24’ê Gulanê saet 11.20’an li Herêma Metînayê Qada Berxwedanê ya Serê Metînayê droneke teqemenî ya ku ji bo êrîşî tunelên me bike hatibû şandin hate xistin û hate îmhakirin.
24’ê Gulanê saet 13:40 û 17:00’an li Herêma Şehîd Delîl a Rojavayê Zapê Qada Berxwedanê yê Girê Amediyê li hedefên ku amadekariyên êrîşê dikirin bi çekên teknîkî hatin xistin. Çeperek a çekên giran A4 hate îmhakirin û çeperek hate derbkirin.
25’ê Gulanê saet 14:20’an de li herêma Şehîd Delîl a Rojavayê Zapê Qada Berxwedanê yê Girê Amediyê tankek ku êrîşî tunelên me dikir bi çekên teknîkê hate xistin û îmhakirin.
25’ê Gulanê saet 16:20 û 16:45’an li Herêma Şehîd Delîl a Rojavayê Zapê Qada Berxwedanê yê Girê Amediyê li dijî hedefên ku êrîşî tunelên me dikirin bi çekên giran bersiv hatin dayîn.”
