Li gel van 5 şaredaran hejmara şaredarên CHP’yî yên ji erka xwe hatine dûrxistin, gihîşt 11’an.
Şaredarên ku ji erka xwe hatine dûrxistin ev in:
– Serokê Şaredariya Avcilarê Ûtkû Camer Çaykara
– Serokê Şaredariya Buyukçekmeceyê Hasan Akgun
– Serokê Şaredariya Gazîosmanpaşayê Hakan Bahçetepe
– Serokê Şaredariya Ceyhanê Kadîr Aydar
– Seroka Şaredariya Seyhanê Oya Tekîn
Ev şaredarên CHP’yî di çarçoveya lêpirsîna derbarê Şaredariya Bajarê Mezin a Stenbolê (ÎBB) û Şaredariya Beşîktaşê û Şaredariya Buyukçekmeceyê de piştî ku hatibûn binçavkirin, hatibûn girtin.
Beriya wê jî tevî ku Serokê Şaredariya Esenyurtê Ahmet Ozer û Serokê Şaredariya Şîşliyê Resûl Emrah Şahan ên CHP’yî di çarçoveya ‘’Lihevkirina Bajêr’’ de hatibûn hilbijartin jî ji erka xwe hatibûn dûrxistin û li şûna wan qeyûm hatibû tayînkirin.
Şaredarên din ên CHP’yî yên ji erka xwe hatine dûrxistin ev in: Serokê ÎBB’ê Ekrem Îmamoglû, Serokê Şaredariya Beşîktaşê Riza Akpolat, Serokê Şaredariya Beykozê Alaattîn Koseler û Serokê Şaredariya Beylîkduzuyê Mehmet Mûrat Çalik.
