EUDA’yê di rapora ku amade kiriye de ragihand ku di serî de madeyên opioidên sentetîk, kannabinoid û cureyên amfetamînê li Ewropayê zêde bûne û rê li ber xetereyên cidî yên tenduristiyê vedikin.
Di sala 2023’yan de 7,500 mirinên ji ber bikaranîna madeyên hişberê hatine tomarkirin. Piraniya van mirinan bikaranîna madeyên hişberê yên cûda ve girêdayî ne.
EUDA’yê diyar kir ku ev rewş zextê hem pergalên tenduristiyê dike û hem jî pêvajoyên destwerdanê tevlihev dike.
Ajansê destnîşan kir ku ji sala 2009’an û vir ve 88 opioidên sentetîk ên nû li bazara hişbirê ya Ewropayê derketine holê û bandorên wan pir xurt in, rîska jehrîbûn û mirinê zêde dikin.
Her wiha hate gotin ku hin berhem bêyî ku bikarhêner hay jê hebin, bi kannabinoidên sentetîk re hatine tevlihevkirin ku ev yek rê li ber rewşên giran vedike. Di sala 2024’an de li Macaristanê gelek kes ji ber jelîbeyanên bi vî rengî hatine hilberandin bikaranîne, rakirin nexweşxaneyê.
Rola Ewropayê di hilberîna sentetîk de jî zêde dibe. Bi taybetî hilberîna navxweyî ya amfetamîn, MDMA û katinonê bi lez zêde dibe. Di sala 2023’yan de, 53 tesîsên hilberîna neqanûnî hatin tespîtkirin. Rêjeya desteserkirina madeyên cathinoneyê di sê salên dawî de heşt qat zêde bûye.
Li Yekîtiya Ewropayê madeya hişbirê ya ku herî zêde tê bikaranîn esrar e. Li seranserê YE’yê 24 milyon kes esrarê bikar tînin û piştre jî 4.6 milyon kes kokainê bikar tînin.
EUDA’yê ragihand ku pergalên hişyariya lezgîn wê li seranserê Ewropayê werin xurtkirin, laboratuarên analîzê wê wekî torê bixebitin û pergalên nirxandina rîskê wê werin damezrandin. Hate diyarkirin ku tedbîrên nû hîn jî di qonaxa “pêşveçûnê” de ne.
