Denîz Poyraz a di êrîşa li dijî Rêxistina Partiya Demokratîk a Gelan (HDP) a Îzmîrê de hat qetilkirin, di 4’emîn salvegera xwe de li Qada Şîşhane ya Stenbolê bi çalakiyekê hat bibîranîn. Tevgera Jinên Azad (TJA), Dayikên Aştiyê, Komeleya Dema Jinê, Komeleya Demokartîk a Elewiyan û gelek jin tevlî bîranînê bûn. Di çalakiya bîranînê de “Denîz Poyraz nemir e” hate hildan û dirûşmeya “Jin, Jiyan, Azadî” hate berzkirin.
Di bîranînê de Hevseroka Rêxistina DEM Partî ya Stenbolê Arîfe Çinar axivî. Çinar anî ziman ku jin her roj rastî êrîşan tên û got: “Em kesên Denîz qetilkirin şermezar dikin. Em ê li vî welatî aştiyê ava bikin û jiyana wekhev misoger bikin.”
Di bîranînê daxuyanî jî hat dayîn. Daxuyanî ji aliyê Rêvebera Rêxistina DEM Partî ya Stenbolê Gîzem Kuzuk ve hat xwendin. Kuzuk diyar kir ku Denîz ji aliyê “kujerên hêzên tarî ve” hate hedef girtin û got: “Ji bo aştî were vî welatî divê ewilî ev welat bi rastiya xwe re rû bi rû were. Em ê bi têkoşîna xwe ya azadiya jinê re jiyana wekhev û azad ava bikin. Em ê rojekê aştiyê diyarî Denîzê bikin û em ê teqez hesab ji kujeran bipirsin.”
Daxuyanî bi dirûşmeyên “Denîz Poyraz nemir e” û “Jin, Jiyan, Azadî” bi dawî bû.
