Di çarçoveya xebatên Yekîtiya Netewî ya Kurd û yekrêziya nava aliyên siyasî bi taybet li Rojhilatê Kurdistanê şandeya Kongreya Netewî ya Kurdistanê (KNK) serdana Komeleya Zehmetkêşan a Kurdistanê û Komeleya Şoreşgerên Zehmetkêşan a Kurdistanê ya Îranê kir.
Şandeya KNK’ê serdana navenda Hîzba Zehmetkêşanî Kurdistan û Komeleya Şoreşgerên Zehmetkêşan a Kurdistan-Îranê ya li Silêmanî kir.
Şandeya KNK’ê ji Zeneb Mistefa, Şêrko Heme Emîn û Dr. Hekîm Ebdulkerîm, Nesrîn Ehmed û Şoreş Xidir pêk dihat, ji aliyê rêveberên Komeleya Zehmetkêşan a Kurdistan û Komeleya Şoreşgerên Zehmetkêşan a Kurdistan-Îranê ve hatin pêşwazîkirin.
Di serdanê de li ser rewşa siyasî, pêşketinên li herêmê û Rojhilata Navîn nîqaş hatin kirin. Her wiha di serdanê de li ser yekîtiya neteweyî û avakirina kongreyeke ku hemû aliyên siyasî yên Rojhilatê Kurdistanê tevlî bibin û li hemberî rewşên siyasî yên li herêmê xwedî yek helwest bin, hatin axaftin.
