Komek PKK’î ya ku ji 30 kesan pêk dihat di çarçoveya pêvajoya ku Rêber Apo daye destpêkirin de merasîma îmhakirina çekan li dar xistin. Merasîm ji her derê cîhanê ve bi balkêşî hate şopandin. Bi sedan kesên ku di nava wan de endamên partiyên siyasî, rêxistinên sivîl û rojnamevan jî hebûn merasîm şopandin.
Endama şandeya Partiya Tevgera Kedê Nehîr Sevîm diyar kir ku berdana çekan tê wateya gavavêtina pêvajoyek nû ye.
Sevîm anî ziman ku ew piştgiriyê didin pêvajoya ku ji hêla nûnerên gelê Kurd ve tê meşandin û got: “PKK îro bi awayekî sembolîk be jî çek berdan û bi rastî ji bo ev pêvajoya ku me dişopand gaveke girîng e. Weke Partiya Tevgera Kedê, ji destpêkê ve hewlesta me ev bû; Em piştgiriyê didin biryar û polîtîkayên ku ji aliyê nûnerên gelê Kurd ve tên meşandin. Me îro çekberdana temsîlî şopand. Divê mirov tevahiya vê pêvajo bi vî rengî bibîne; Em dibînin ku ji bo armanca aştî û demokrasiyê ya gelan gavek din hate avêtin. Di aliyê kesên dişopînin, saziyên dost, rojnamevan û her kesên din de em dibînin ku bi vê gavê re dikevin serdemeke nû, serdemeke ku demokrasî, aştî û siyaseta demokratîk derdikeve pêş. Em bi heyecan bûn.”
