Berdevkê CHP’ê Denîz Yucel li navenda partiya xwe civîna çapemeniyê li dar xist. Yucel diyar kir ku planek ji bo CHP’ê bêrûmet bike heye û anî ziman ku bi taybetî li dijî 15 şaredarên CHP’ê operasyonên siyasî têne kirin.
Yucel li ser komîsyona ku wê li Meclisê were avakirin jî rawestiya û destnîşan kir ku CHP alîgirê pêvajoyek di bin çavdêriya Meclisê de bê meşandin û komîsyonek ku hemû partî tê de cih digirine. Yucel wiha domand: “Me pêşniyarên xwe bi nivîskî pêşkêşî Serokê Meclisê Nûman Kurtulmuş kirin. CHP dixwaze bibe beşek ji vê komîsyonê û dixwaze beşdar bibe. Lê ev nayê wê wateyê ku ew ê bê şert û bê merc di vê komîsyonê de cih bigire.”
Yucel anî ziman ku CHP her tim parêzvanê aştî û demokrasiyê ye û wiha pêde çû: “Rêveçûna pêvajoyê, helwestên aktorên din û şefafî wê di destnîşankirina helwesta CHP’ê de diyarker bin. Em ê hemû bi hev re pêvajoyê bijîn û bibînin.”
